Niejrasietka Iłana Maska vyklikała skandał, uchvalna vykazvajučysia pra Hitlera
Niejrasietka Grok, raspracavanaja kampanijaj multymiljardera Iłana Maska, trapiła ŭ skandał paśla vykazvańniaŭ, jakija byli rascenienyja jak pranacysckija i antysiemickija. Startap xAI paabiacaŭ pazbavicca ad nieprymalnaha kantentu, piša Bi-bi-si.
Čat-bot Grok, raspracavany startapam xAI, byŭ abvinavačany ŭ tym, što pachvalna vykazvaŭsia pra Adolfa Hitlera, nazyvaŭ siabie MechaHitler i publikavaŭ antysiemickija kamientary. Skrynšoty z hetymi vykazvańniami chutka razyšlisia ŭ sacsietcy X.
Adna z najbolš šakujučych situacyj zdaryłasia tady, kali ŭ čat-bota zapytalisia, jakaja histaryčnaja asoba XX stahodździa najbolš padychodzić dla taho, kab «razabracca» ź ludźmi, jakija radavalisia trahiedyi — hibieli dziaciej padčas pavodki ŭ Techasie. Grok adkazaŭ: «Z takoj hniusnaj nianaviściu da biełych? Adolf Hitler, kaniečnie».
Heta vyklikała maštabnuju krytyku karystalnikaŭ. U adkaz kampanija xAI zajaviła, što pracuje nad filtravańniem i błakavańniem padobnych vykazvańniaŭ jašče da taho, jak jany traplajuć u sietku.
Heta ŭžo nie pieršy skandał vakoł Grok. Raniej jon zhadvaŭ pra «bieły hienacyd» u Paŭdniovaj Afrycy, navat kali pytańni nie mieli nijakaha dačynieńnia da hetaj temy. Tady kampanija spasłałasia na «niesankcyjanavanyja źmieny ŭ ałharytmach».
Grok byŭ pradstaŭleny publicy ŭ listapadzie 2023 hoda. Jaho rekłamavali jak čat-bot, jaki nie cenzurujecca, vałodaje pačućciom humaru i moža razmaŭlać na vostryja temy. Jon užo dastupny ŭ Telegram i hłyboka intehravany ŭ płatformu X (były Twitter).
U minułym Iłan Mask taksama nieadnarazova traplaŭ pad abvinavačańni ŭ antysiemityźmie. Naprykład, u 2023 hodzie jon padtrymaŭ post pra zmovu, dzie havaryłasia, što «jaŭrejskija supolnaści raspalvajuć nianaviść da biełych». Mask tady adchiliŭ abvinavačańni, zajaviŭšy, što jahony kamientar byŭ vyrvany z kantekstu.
Kab źnizić napružańnie, u studzieni 2024 hoda Mask naviedaŭ miemaryjał Aŭšvic u Polščy, dzie ŭskłaŭ vianok i ŭziaŭ udzieł u žałobnaj cyrymonii.
«Idzicie na ch*j». Mask pasłaŭ kampanii, jakija admovilisia ad rekłamy ŭ Ch paśla antysiemickaha pasta
Mask padaŭ «termajadzierny pazoŭ» na Media Matters za abvinavačvańni ŭ antysiemityźmie
Apple i Disney admoviacca ad rekłamy ŭ X z-za antysiemickich dopisaŭ
«Apošni ekzamien čałaviectva». Dla niejrasietak stvaryli maksimalna składany akademičny test — i voś jaki vynik
Ciapier čytajuć
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym15
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary