U katalickim Nacyjanalnym sanktuaryi ŭ Budsłavie 21 lipienia pačali novy etap archieałahičnych raskopak z udziełam vałancioraŭ. Daśledavańni pravodziacca z metaj adnavić uvieś vialiki kompleks budsłaŭskaha klaštara, piša Katolik.life.
Kustaš sanktuaryja ksiondz Dźmitryj Dubovik pa vynikach pieršaha dnia pracy raskazaŭ u parafijalnym pabliku pra hałoŭnuju znachodku: vuhał staroha kaścioła. Miarkujecca, što tut taksama była vieža.
Nadalej płanujecca prakłaści šurf uzdoŭž usioj ściany fasadu staroha kaścioła, mahčyma, atrymajecca znajści ŭvachod u były chram i jahonuju kryptu. Achvotnych zaprašajuć dałučacca da raskopak.
Hetyja raboty prachodziać paralelna z rekanstrukcyjaj i restaŭracyjaj isnaha kaścioła, jaki paciarpieŭ ad pažaru ŭ 2021 hodzie. Architekturnyja i archieałahičnyja daśledavańni pravodziacca z metaj adnavić uvieś vialiki kompleks budsłaŭskaha klaštara bernardzincaŭ. U budučyni heta dazvolić stvaryć u Budsłavie ahulnabiełaruski «duchoŭny centr» — takuju ideju vykazvali ŭłady.
Što tyčycca restaŭracyi najaŭnaha kaścioła, to jaje płanujecca całkam zaviaršyć tolki ŭ 2033 hodzie — finalnym etapam budzie adnaŭleńnie interjeraŭ.
U Budsłaŭski kaścioł viarnuli statuju, paškodžanuju pry pažary
U Budsłaŭskim kaściole raskryli nieviadomyja raniej rośpisy
U Budsłavie raźbirajuć unikalny ałtar ź iluzornaj pierśpiektyvaj, jakoj padmanvali hledača najvialikšyja dojlidy Ryma
Pasoł Vienhryi pa-majstersku syhrała na arhanie ŭ kaściole ŭ Mahilovie
Ciapier čytajuć
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1414
Kamientary