У каталіцкім Нацыянальным санктуарыі ў Будславе 21 ліпеня пачалі новы этап археалагічных раскопак з удзелам валанцёраў. Даследаванні праводзяцца з мэтай аднавіць увесь вялікі комплекс будслаўскага кляштара, піша Katolik.life.
Кусташ санктуарыя ксёндз Дзмітрый Дубовік па выніках першага дня працы расказаў у парафіяльным пабліку пра галоўную знаходку: вугал старога касцёла. Мяркуецца, што тут таксама была вежа.
Надалей плануецца пракласці шурф уздоўж усёй сцяны фасаду старога касцёла, магчыма, атрымаецца знайсці ўваход у былы храм і ягоную крыпту. Ахвотных запрашаюць далучацца да раскопак.
Гэтыя работы праходзяць паралельна з рэканструкцыяй і рэстаўрацыяй існага касцёла, які пацярпеў ад пажару ў 2021 годзе. Архітэктурныя і археалагічныя даследаванні праводзяцца з мэтай аднавіць увесь вялікі комплекс будслаўскага кляштара бэрнардзінцаў. У будучыні гэта дазволіць стварыць у Будславе агульнабеларускі «духоўны цэнтр» — такую ідэю выказвалі ўлады.
Што тычыцца рэстаўрацыі наяўнага касцёла, то яе плануецца цалкам завяршыць толькі ў 2033 годзе — фінальным этапам будзе аднаўленне інтэр'ераў.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары