Minčuk na «Leksusie» tajamniča prapaŭ pad Minskam. Nichto nie viedaje, kudy jon dzieŭsia
Kirył Šablinski pierastaŭ vychodzić na suviaź u paniadziełak, 4 žniŭnia, kala 21:00 u ahraharadku Dračkava Smalavickaha rajona. Mahčyma, jaho bačyli ŭ Pleščanicach Łahojskaha rajona.
Adlehłaść ad smalavickaha Dračkava da łahojskich Pleščanic — kala 87 kiłamietraŭ. Vałanciory pošukava-vyratavalnana atrada «Anioł» adpravilisia na pošuki ŭ Pleščanicy — apošniaje miesca, dzie była zaŭvažana mašyna Kiryła, razam ź jakoj jon źnik.
U sieradu kala 30 vałancioraŭ pošukava-vyratavalnaha atrada «Anioł» u Pleščanicach da čatyroch hadzin ranicy šukali 46-hadovaha minčuka Kiryła Šablinskaha, jaki źnik razam sa svaim aŭtamabilem «Lexus»
Kamandzir PVA «Anioł» Siarhiej Koŭhan raspavioŭ Kraj.by:
— Ab źniknieńni Kiryła Šablinskaha nam paviedamiła jahonaja žonka. Pa jaje słovach, ničoha padobnaha ź jaje mužam nie zdarałasia na praciahu dzieviaci hadoŭ šlubu. 4 žniŭnia Kirył na svaim «Lexus» pajechaŭ ź Minska da maci ŭ Dračkava. Uviečary hetaha dnia jon paviedamiŭ žoncy pa telefonie, što na zvarotnym šlachu płanuje zajechać pa pracy da zakazčyka.
U 21:00 mužčyna pierastaŭ vychodzić na suviaź, jaho telefon adklučyŭsia i da hetaha času nie ŭklučaŭsia. My skłali aryjenciroŭku i prystupili da pošukaŭ.
Siarhiej Koŭhan adznačaje: apošniaje miesca, dzie aŭtamabil minčuka trapiŭ u pole zroku kamier videanazirańnia — heta ŭjezd u haradski pasiołak Pleščanicy Łahojskaha rajona.
Hrupy vałancioraŭ adpravilisia ŭ Pleščanicy. Pošukavaj apieracyjaj tam kiravaŭ Kirył Hołubieŭ. Ranicaj 6 žniŭnia jon raspavioŭ:
— Pieršaja hrupa prystupiła da pošukaŭ 5 žniŭnia prykładna a 18:30, potym padciahnulisia astatnija našy vałanciory. Šukali ŭvieś viečar i ŭsiu noč. Dadomu ja viarnuŭsia siońnia a šostaj ranicy. Šablinskaha my nie znajšli, jaho aŭtamabil taksama nie znojdzieny.
Pavodle słoŭ Siarhieja Koŭhana, u «Lexus» minčuka nie było navihatara. Mahčyma, jon karystaŭsia navihataram z mabilnaha telefona, jaki ciapier nie pracuje.
Jość takija źviestki, što ŭ adzin ź dzion hetaha tydnia jaho bačyli na zapraŭcy ŭ Minsku.
«Anioły» prosiać paviedamlać na numar: 7733 (dla ŭsich apierataraŭ mabilnaj suviazi), +375 33 6666-033, +375 29 270-77-33. Abo pa telefonie 102 u bližejšy adździeł milicyi.
Abviaściła vyšuk i minskaja milicyja.
4 žniŭnia znachodziŭsia ŭ maci ŭ Smalavickim rajonie, paśla čaho kala 21:00 taho ž dnia źjechaŭ na aŭtamabili Lexus GX470 (reh. znak 0891 MO-7) u nieviadomym napramku i da hetaha času na suviaź nie vychodzić, havorycca ŭ paviedamleńni.
Prykmiety: na vyhlad 45 hadoŭ, rost 190—195 sm, chudarlavaha ciełaskładu, vočy błakitnyja, vałasy ciomna-rusyja, nosić baradu.
Adzieńnie: čornaja majka ź fijaletavym pryntam, džynsavyja šorty siniaha koleru, krasoŭki koleru chaki.
Kali vam što-niebudź viadoma pra miescaznachodžańnie mužčyny, prosiać paviedamić u Saviecki RAUS h. Minska:
- 8029-255-55-63
- 8017-239-67-76
- 102
Ciapier čytajuć
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu1
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie8282
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie82
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1919
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch19
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały99
Kamientary