Pa stanie na 06:00 na pierachodzie «Brest» na polskaj miažy na vyjezd ź Biełarusi stajać 3550 lehkavych mašyn i 55 aŭtobusaŭ.
Takoj vialikaj čarhi nikoli nie było. Pryčym 13 žniŭnia była pieraadolena miaža ŭ 3000 aŭto.
Dniom 14 žniŭnia z zony čakańnia vyjazdžali mašyny, jakija zaniali čarhu viečaram 8 žniŭnia, to bok amal praz šeść sutak. Atrymlivajecca, što ŭ siarednim za sutki čarha prasoŭvałasia prykładna na 450 mašyn.
U pryhraničnych čatach pišuć, što ciaham apošnich dvuch sutak chutkaść afarmleńnia źniziłasia, i za sutki z zony čakańnia vyjazdžaje ŭsiaho kala 320 lehkavikoŭ.
Atrymlivajecca, što tyja, chto ciapier zajmaje miesca ŭ elektronnaj čarzie, zmohuć trapić u Polšču tolki praz 7—8 sutak.
Vyraśli apošnim časam čerhi i na litoŭskaj miažy. U «Kamiennym Łohu» stajać 190 lehkavych mašyn, u «Bieniakoniach» — 170. Čerhaŭ z aŭtobusaŭ niama.
Na łatvijskaj miažy ŭ «Hryharaŭščynie» čerhaŭ niama.
Kamientary