Rybałoŭnaja krama adsudziła ŭ žančyny 500 rubloŭ za vodhuk na adnu zorku na Jandeksie
Žančyna napisała, što vuda pałamałasia paśla pieršaj ža rybałki. Ale byŭ adzin niuans.
Uładalnica rybackaj kramy sudziłasia z žančynaj z-za niehatyŭnaha vodhuku ŭ internecie. Pradprymalnica stvaryła profil kramy na kartach u Google i Jandeks. Hetyja staronki jana vykarystoŭvała dla prasoŭvańnia kramy.
Usio išło niabłaha. Na Jandeksie ŭ kramy było 13 stanoŭčych vodhukaŭ i maksimalnaja siaredniaja adznaka «5». Ale 17 studzienia tam raptam źjaviŭsia rezka niehatyŭny vodhuk na adnu zorku. Hučaŭ jon tak: «Kupiła vudu dla dziciaci na dzień naradžeńnia, u pieršy dzień złamałasia. Śviata sapsavanaje».
Uładalnica kramy pajšła ŭ sud. Jana zajaviła, što aŭtarka vodhuku naohuł ni razu nie była ŭ jaje kramie i tym bolš ničoha tam nie kuplała. Pazoŭnica adznačyła, što niehatyŭny i chłuślivy vodhuk nanios škodu reputacyi jaje kramy, a taksama maralnyja pakuty asabista joj.
«U vyniku dziejańniaŭ adkazčyka pazoŭnica paciarpieła maralnyja pakuty, jakija prajavilisia ŭ biassońni, stresie, zaniepakojenaści pra los svajoj pradprymalnickaj dziejnaści, była vymušanaja prymać supakajalnyja preparaty», — havorycca ŭ pres-relizie Viarchoŭnaha suda.
Pradprymalnica zapytała ŭ aŭtarki vodhuku kampiensacyju ŭ 20 tysiač rubloŭ, a taksama paprasiła sud prymusić žančynu vydalić vodhuk.
Adkazčyca ŭ sudzie pryznała, što ničoha ŭ kramie nie kuplała, ale nie pahadziłasia z tym, što jana pavinna niešta płacić. Navošta jana tady pakinuła taki vodhuk, zastajecca zahadkaj. Žančyna jašče da suda svoj vodhuk vydaliła, ale adznaka ŭ adnu zorku na karcie zastałasia.
Ekanamičny sud Minska ŭ vyniku ŭličyŭ, što vodhuk užo vydaleny, i zadavoliŭ pazoŭ tolki častkova. Zamiest 20 tysiač rubloŭ jon pastanaviŭ vypłacić pradprymalnicy 500 rubloŭ u jakaści kampiensacyi maralnaj škody.
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu7
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary