Jak buduć vyhladać katedžy i taŭnchausy ŭ novym modnym žyłym kvartale Minska
«Minskbud» pakazaŭ płan žyłoha kvartała «Utulny-2», jaki budzie składacca z katedžaŭ i taŭnchausaŭ. Hety kompleks budujecca ŭ miežach vulic Parnikovaja — Padlesnaja — Anajeva.
Tut akramia adnakvaternych i zbłakavanych damoŭ budzie handlova-administracyjny budynak, parkoŭki, dziciačyja placoŭki, spartzony, placoŭki dla zaniatkaŭ mini-futbołam, valejbołam i tenisam.
«Minskbud» pradstaviŭ taksama płany pavierchaŭ piaci katedžaŭ roznaha typu i taŭnchausa z varyjantami rasstanoŭki mebli.
U kompleksie budzie kala 100 damoŭ i 60 kvater u taŭnchausach.
Adzin šmatpaviarchovik tut užo zdadzieny ŭ ekspłuatacyju, druhi budujecca.
Niadaŭna hiendyrektar «Minskbuda» Alaksandr Cierachaŭ kazaŭ, što katedžy płanujuć pradavać praz aŭkcyjony, a taŭnchausy — pa pryncypie dolevaha budaŭnictva. Miarkujecca, što ŭ 2026 hodzie hetuju placoŭku całkam zabudujuć.
Kamientary
...iaki budujuć na mieście rasstrełaŭ (ci to časoŭ Druhoj Suśvietnaj, ci to časoŭ papiarednich represij NKUS).
Tolki z takim dadatkam pavinny iści ŭsie naviny pra hety ŽK.
I nie tolki apazicyjnyja, ale i naviny ŭ Biełarusi tym bolš: inakš novaja ideałohija pra hienacyd biełaruskaha naroda budzie vyhladać vidavočna kryvadušnaj navat dla jaje prychilnikaŭ.
Jak minimum, dakładnaje miesca rasstrełaŭ pavinna być pakinuta niezabudavanym, na jaho miescy zrabić skvier i pomnik.
Tak i pa-ludsku, i pa zakonu.