Як будуць выглядаць катэджы і таўнхаусы ў новым модным жылым квартале Мінска
«Мінскбуд» паказаў план жылога квартала «Утульны-2», які будзе складацца з катэджаў і таўнхаусаў. Гэты комплекс будуецца ў межах вуліц Парніковая — Падлесная — Анаева.
Тут акрамя аднакватэрных і зблакаваных дамоў будзе гандлёва-адміністрацыйны будынак, паркоўкі, дзіцячыя пляцоўкі, спартзоны, пляцоўкі для заняткаў міні-футболам, валейболам і тэнісам.
«Мінскбуд» прадставіў таксама планы паверхаў пяці катэджаў рознага тыпу і таўнхауса з варыянтамі расстаноўкі мэблі.
У комплексе будзе каля 100 дамоў і 60 кватэр у таўнхаусах.
Адзін шматпавярховік тут ужо здадзены ў эксплуатацыю, другі будуецца.
Нядаўна гендырэктар «Мінскбуда» Аляксандр Церахаў казаў, што катэджы плануюць прадаваць праз аўкцыёны, а таўнхаусы — па прынцыпе долевага будаўніцтва. Мяркуецца, што ў 2026 годзе гэтую пляцоўку цалкам забудуюць.
Цяпер чытаюць
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»23
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1414
Каментары
...які будуюць на месце расстрэлаў (ці то часоў Другой Сусветнай, ці то часоў папярэдніх рэпрэсій НКУС).
Толькі з такім дадаткам павінны ісці ўсе навіны пра гэты ЖК.
І не толькі апазіцыйныя, але і навіны ў Беларусі тым больш: інакш новая ідэалогія пра генацыд беларускага народа будзе выглядаць відавочна крывадушнай нават для яе прыхільнікаў.
Як мінімум, дакладнае месца расстрэлаў павінна быць пакінута незабудаваным, на яго месцы зрабіць сквер і помнік.
Так і па-людску, і па закону.