Alaksandr Łukašenka, jaki znachodzicca ź vizitam u Kitai, zajaviŭ, što ličyć mahčymym pieraniać vopyt Kitaja ŭ palityčnym uładkavańni dziaržavy. Pra heta jon skazaŭ u Ciańczinie na pierahavorach staršynioj KNR Si Czińpinam.
«Asabista ja pryjšoŭ užo da taho, što i ŭ palityčnym uładkavańni dziaržavy my pavinny ŭ vas niešta pieraniać. Niekali Saviecki Sajuz i Kitaj vielmi družna vybudoŭvali tuju madel, jakuju vy ciapier nie stracili, jakaja ŭ vas dziejničaje pry arhanizacyi i kiraŭnictvie Kitajskaj Narodnaj Respublikaj. My, na žal, mnohaje stracili. I siońnia ŭžo toj, chto nad hetym dumaje surjozna, razumieje, što my vielmi mnohaje stracili», — zajaviŭ jon.
Na sustrečy ź Si Czińpinam Łukašenka ščodra chvaliŭ haspadara i jaho krainu.
«Šmat chaciełasia skazać, abdumvajučy napiaredadni hetu sustreču. Ale kali bačyš kałasalnyja źmianieńni litaralna za paŭhoda-hod, — zabyvaješ ab tym, što chacieŭ skazać. Vy prosta małajcy — hihanckaje raźvićcio Kitajskaj Narodnaj Respubliki! Arhanizacyja, dyscyplina, usio pa miescy, nichto daremna nidzie nie chodzić. Ludzi zajmajucca kankretnaj spravaj. Ja ŭ hetym baču vialiki pośpiech vašaj dziaržavy i vialiki pośpiech vašaha kiraŭnictva, vašych kaleh u Kitai. Usie astatnija pytańni prosta hasnuć pierad tym, što vy stvarajecie ŭ Kitajskaj Narodnaj Respublicy», — skazaŭ Łukašenka.
Kamientary