Аляксандр Лукашэнка, які знаходзіцца з візітам у Кітаі, заявіў, што лічыць магчымым пераняць вопыт Кітая ў палітычным уладкаванні дзяржавы. Пра гэта ён сказаў у Цяньцзіне на перагаворах старшынёй КНР Сі Цзіньпінам.
«Асабіста я прыйшоў ужо да таго, што і ў палітычным уладкаванні дзяржавы мы павінны ў вас нешта пераняць. Некалі Савецкі Саюз і Кітай вельмі дружна выбудоўвалі тую мадэль, якую вы цяпер не страцілі, якая ў вас дзейнічае пры арганізацыі і кіраўніцтве Кітайскай Народнай Рэспублікай. Мы, на жаль, многае страцілі. І сёння ўжо той, хто над гэтым думае сур'ёзна, разумее, што мы вельмі многае страцілі», — заявіў ён.
На сустрэчы з Сі Цзіньпінам Лукашэнка шчодра хваліў гаспадара і яго краіну.
«Шмат хацелася сказаць, абдумваючы напярэдадні гэту сустрэчу. Але калі бачыш каласальныя змяненні літаральна за паўгода-год, — забываеш аб тым, што хацеў сказаць. Вы проста малайцы — гіганцкае развіццё Кітайскай Народнай Рэспублікі! Арганізацыя, дысцыпліна, усё па месцы, ніхто дарэмна нідзе не ходзіць. Людзі займаюцца канкрэтнай справай. Я ў гэтым бачу вялікі поспех вашай дзяржавы і вялікі поспех вашага кіраўніцтва, вашых калег у Кітаі. Усе астатнія пытанні проста гаснуць перад тым, што вы ствараеце ў Кітайскай Народнай Рэспубліцы», — сказаў Лукашэнка.
Цяпер чытаюць
Хто такая Алеся Пархоменка з Кіпра, якая развязала беларуска-беларускую вайну93
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары