Pajšoŭ z žyćcia zachavalnik pamiaci Barysava Alaksandr Rozenblum
Viadomy krajaznaŭca, daśledčyk i piśmieńnik Alaksandr Rozenblum pamior 10 vieraśnia ŭ Izraili. U lutym jamu spoŭniłasia 100 hadoŭ. Pra jaho śmierć paviedamiŭ EX-PRESS.BY.
Alaksandr Barysavič naradziŭsia ŭ 1925 hodzie ŭ Barysavie, atrymaŭ techničnuju i jurydyčnuju adukacyju. Jon pracavaŭ u Barysaŭskim vuźle suviazi, a z pačatku 1970-ch uznačalvaŭ jurydyčny adździeł pradpryjemstva «Barysaŭdreŭ». Ale hałoŭnaj spravaj usiaho jaho žyćcia stała krajaznaŭstva.
Na praciahu dziesiacihodździaŭ jon źbiraŭ paśviedčańni, dakumienty i ŭspaminy. Hetyja materyjały pieratvaralisia ŭ knihi i artykuły, jakija stali nastolnymi dla ŭsich, chto cikavicca historyjaj Barysava. Jaho pracy byli pryśviečany pierš za ŭsio ludziam – ich losam, pamiaci, układu ŭ kulturu i raźvićcio horada.
Admysłovaje miesca zajmajuć daśledavańni ab žyćci i trahiedyi jaŭrejskaj abščyny Barysava, źniščanaj padčas Chałakostu.
Ale Alaksandr Barysavič byŭ nie tolki daśledčykam. Jon zastavaŭsia nastaŭnikam i siabram — dla kaleh, dla moładzi, dla ŭsich, chto šukaŭ u jaho viedy i parady. Jaho ŭvaha da detalaŭ spałučałasia z redkaj čałaviečnaściu i ciepłynioj. Dla jaŭrejskaj abščyny Barysava i ŭsich, chto zachavaŭ suviaź ź joj pa ŭsim śviecie, jon staŭ duchoŭnym mostam pamiž pakaleńniami.
Razam z Alaksandram Barysavičam sychodzić cełaja epocha — epocha śviedkaŭ i zachavalnikaŭ pamiaci. Ale zastajucca jaho słova, jaho praca, jaho śviatło. Dziakujučy im Barysaŭ i jaho ludzi praciahvajuć žyć u pamiaci — nie jak abstraktnaja historyja, a jak žyvaja tkanina losu.
Ciapier čytajuć
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»1
Kamientary