Zajaŭlenaja suma ŭ skarboncy ŭ dva razy pieravyšaje pieršapačatkovuju ŭ 50 tysiač jeŭra, ale zbor praciahvajecca.
U čaćvier pa abiedzie stała viadoma, što Łukašenka vyzvaliŭ 52 čałaviek, jakich vyvoziać za miažu. Praz try hadziny byŭ abvieščany terminovy zbor hrošaj.
Pieršapačatkova mierkavałasia, što kožny palitviazień atrymaje pa tysiačy jeŭra, a ahułam patrebna 50 tysiač jeŭra.
«Kožny vyzvaleny atrymaje €1000 praz BYSOL sa srodkaŭ Mižnarodnaha humanitarnaha fondu, adnak hetaj sumy niedastatkova dla zakryćcia ŭsich pytańniaŭ. Tamu my adkryvam zbor na €50000 dla dapamohi palitviaźniam, jakija byli vypuščanyja. My miarkujem, što mnohija ź ich buduć u ciažkim stanie i niekatorym spatrebicca terminovaja dapamoha», — paviedamlałasia na płatformie ŭviečary ŭ čaćvier.
Krychu bolš čym za try hadziny, jašče da dziaviataj viečara čaćviarha, hetaja suma była sabranaja. Pa stanie na ranicu suboty było 100 tysiač, ale potym tempy istotna zamarudzilisia, i pa stanie na ranicu paniadziełka sabrana 109 240 jeŭra.
Tym časam zbor praciahvajecca i paŭdzielničać u im možna tut.
Jak kazaŭ raniej u intervju «Našaj Nivie» kiraŭnik fondu «Bajchełp» Alaksiej Lavončyk, kab adlekavać adnaho palitźniavolenaha ad A da Ja, to varta zakładać tysiač 10 jeŭra.
«I heta čysta miedyčnyja zatraty. A jość ža kuča niemiedyčnych zatrat. U ideale nam patrebnaja słužba sacyjalnaj i psichałahičnaj dapamohi, kab dapamahać ludziam intehravacca. Ludzi vychodziać z traŭmaj, paraŭnalnaj z vajennaj. Vielmi šmat ź ich nie viedaje nijakaj movy. Jany paśla turmy ŭ šoku. Dvuch miesiacaŭ pražyvańnia ŭ šełtarach časta nie chapaje. Kali my kažam pra paŭnavartasnuju dapamohu, to heta budzie kaštavać kudy bolš hrošaj», — kazaŭ Alaksiej u intervju NN u kancy žniŭnia.
-
Hałoŭny redaktar «Jeŭraradyjo» Jaŭhien Kazarcaŭ raskazaŭ, jak piać hadoŭ pracavaŭ na «Sputniku» i kolki zarablaŭ
-
Što za Dźmitryj Skindzieraŭ, jaki abviaściŭ vajnu Cichanoŭskaj? Supracoŭnictva z HUBAZiKam, daŭhi ŭ Biełarusi, daŭhi ŭ Litvie
-
«Moža, Korž mianie i nie pamiataje». Nobieleŭski łaŭreat Aleś Bialacki raskazaŭ, adkul viedaje Vaniu Dźmitryjenku i Maksa Karža
Ciapier čytajuć
Što za Dźmitryj Skindzieraŭ, jaki abviaściŭ vajnu Cichanoŭskaj? Supracoŭnictva z HUBAZiKam, daŭhi ŭ Biełarusi, daŭhi ŭ Litvie27
Kamientary