MUS Biełarusi: Nijakich daviedak dla vyjezdu za miažu biez pašparta ŭ nas nie isnuje
11 vieraśnia paśla sustrečy ŭ Minsku Alaksandra Łukašenki z amierykanskaj delehacyjaj byli vypuščanyja ź miescaŭ źniavoleńnia 52 čałavieki, siarod jakich 14 zamiežnych hramadzian i 38 biełaruskich palitviaźniaŭ. Usich ich prymusova vyvieźli ŭ Litvu, a nieŭzabavie častka palitźniavolenych daviedałasia, što ich vyvieźli biez pašpartoŭ, tolki z daviedkaj, jakaja paćviardžaje asobu. «Radyjo Svaboda» pasprabavała daviedacca ŭ čynoŭnikaŭ, jakija zakony heta dapuskajuć.
«Ja na piensii. Biez kamientaroŭ», — adkazaŭ žurnalistu «Radyjo Svaboda» 17 vieraśnia były kiraŭnik departamienta hramadzianstva i mihracyi Ministerstva ŭnutranych spraŭ Biełarusi Alaksiej Biahun. Mienavita jahony podpis staić na daviedkach, vydadzienych palitviaźniam, choć jaho adpravili ŭ adstaŭku jašče 8 vieraśnia.
U samim hetym departamiencie ničoha nie tłumačać pra daviedki, jakija akazalisia na rukach niekatorych vyzvalenych 11 vieraśnia. Tak, načalniku ŭpraŭleńnia hramadzianstva, pašpartnaj pracy i vyjezdu za miažu MUS Biełarusi Paŭłu Chryščanoviču pra takija dakumienty ničoha nieviadoma:
«Daviedka, jakaja paćviardžaje asobu… A što heta za daviedka? U suviazi z čym jana moža vydavacca? U nas jość daviedka, kali čałaviek zhubiŭ pašpart, i voś jon źviartajecca ŭ padraździaleńnie pa hramadzianstvie i mihracyi, i jamu vydajuć na čas vyrabu novaha pašparta daviedku formy № 9 na miesiac, i jon joju karystajecca jak dakumientam, jaki paćviardžaje asobu na terytoryi krainy. Voś heta tolki jość takaja daviedka», — skazaŭ Pavieł Chryščanovič karespandentu «Radyjo Svaboda», jaki pradstaviŭsia hramadzianinam Biełarusi.
Pavodle milicejskaha načalnika, z daviedkaj, jakaja časova zamianiaje pašpart, za miažu vyjazdžać nielha.
«Akramia pašparta — bijamietryčnaha pašparta ci pašparta staroha ŭzoru 1996 hodu, inšych dakumientaŭ dla hramadzian Biełarusi dla vyjezdu za miažu ŭ nas nie isnuje», — skazaŭ jon.
Ciapier čytajuć
Były pamočnik Łukašenki Ihar Bryło pryznaŭ, što nabraŭ chabaraŭ na $2 miljony12
Kamientary
Ale ŭ hetaj niama numara formy i zapisu, kim zaćvierdžana forma.
Prydumali novuju katehoryju dla ekspatryjacyi (nie błytać z departacyjaj, jakaja tyčycca zamiežnikaŭ, "čužych" dla krainy) i praz zakanadaŭstva (pakul?) nie praviali.
Sam schiematoz kłasičny: "a čałaviek, jaki heta zrabiŭ i tut padpisaŭsia, ŭ nas užo nie pracuje".
Vyvieźci kahości biez dakumientaŭ jany nie mohuć.
Jasna, što zaraz było vyklučeńnie z ahulnaj pracedury (niavažna, pa zvyčajnamu abo dypłamatyčnamu kanału). I jano adbyvałasia mienavita z-za ekspatryjacyi biez dakumientaŭ pa rašeńniu RB, "časam nie da zakonaŭ".