Ministerstva antymanapolnaha rehulavańnia i handlu vyniesła na hramadskaje abmierkavańnie prajekt ukaza «Ab udaskanaleńni rehulavańnia spažyvieckaha rynku». Zhodna ź im prapanujuć uvieści bolš strohija praviły dla internet-handlu, piša Office Life.
Asnoŭnyja źmieny tyčacca internet-placovak: ich uładalniki pavinny buduć uklučać svaje danyja ŭ Handlovy rejestr. Zamiežnyja internet-placoŭki zmohuć pracavać u krainie tolki paśla stvareńnia jurydyčnaj asoby ŭ Biełarusi i taksama z uklučeńniem u rejestr. Uładalniki buduć nieści adkaznaść pierad pakupnikami, u tym liku za tavary nienaležnaj jakaści.
Pa statystycy, z 2020 pa 2025 hod kolkaść internet-kram vyrasła ŭ 2,6 razu i na pačatak hetaha hoda skłała amal 31 tysiaču. Heta pavialičvaje nahruzku na tradycyjny handal i stvaraje kankurencyju ajčynnym vytvorcam.
Prajekt praduhledžvaje taksama:
- mahčymaść MARH abmiažoŭvać dostup da internet-placovak pry parušeńniach;
- abaviazak jurasob i IP uzhadniać ź dziaržorhanami pieralik tavaraŭ i padtrymlivać ich najaŭnaść u prodažy;
- źniaćcie zabarony na rekłamu ałkaholu i vadkaściaŭ dla vejpaŭ na sajtach duty free;
- novyja praviły farmiravańnia cen na ekspartnyja i reimpartnyja tavary;
- patrabavańnie padavać dakumienty, jakija abhruntoŭvajuć raźlik roźničnych cen, na tavary, što padpadajuć pad rehulavańnie.
Ukaz budzie tyčycca ŭładalnikaŭ internet-placovak, internet-handlaroŭ i vytvorcaŭ tavaraŭ. Abmierkavańnie jaho idzie z 19 da 29 vieraśnia na Pravavym forumie Biełarusi.
Nastaśsia Kaściuhova pra pazicyju Statkieviča i Cichanoŭskaj: Prapanova «dacisnuć» hučyć jak prapanova jašče pačakać niezrazumieła čaho i jak doŭha3636
Kamientary