Internet-kramam dazvolać nie prymać ad pakupnikoŭ najaŭnyja hrošy
Pra płanavanaje novaŭviadzieńnie padčas pres-kanfierencyi raskazała načalnica ŭpraŭleńnia abarony pravoŭ spažyŭcoŭ i kantrolu za rekłamaj Ministerstva antymanapolnaha rehulavańnia i handlu Ina Haŭrylčyk, paviedamlaje BiełTA.
Čynoŭnica nazvała normy, jakija źbirajucca ŭklučyć u zakon «Ab abaronie pravoŭ spažyŭcoŭ».
Zhodna ź dziejnym zakanadaŭstvam, zaŭvažyła Haŭrylčyk, pradaviec pavinien zabiaśpiečyć pryjom hrašovych srodkaŭ u dźviuch formach — bieznajaŭnaj i najaŭnaj. Adnak internet-handal vielmi aktyŭna raźvivajecca, tamu, maŭlaŭ, uźnikła patreba, kab spažyŭcy raźličvalisia tolki ŭ bieznajaŭnaj formie.
Čynoŭnica śćviardžaje, što, pavodle analizu, bolšaść spažyŭcoŭ raźličvajucca mienavita ŭ bieznajaŭnaj formie pa pryčynie taho, što tak praściej. Tamu, z ulikam nibyta prapanoŭ z boku internet-pradaŭcoŭ, byŭ raspracavany prajekt normy, jakaja praduhledžvaje, što patrabavańnie ab zabieśpiačeńni dźviuch formaŭ apłaty nie budzie dziejničać u dačynieńni da anłajn-kram.
Paśla pryniaćcia hetaj normy internet-pradaviec, kali vyrašyć, što budzie prymać apłatu tolki ŭ bieznajaŭnaj formie, nie budzie rabić nijakaha parušeńnia. Anłajn-kramie treba budzie tolki abaviazkova raźmiaścić infarmacyju, źviazanuju z tym, u jakoj formie prymajucca płaciažy i praź jakija sistemy.
«Hetaja navacyja ŭžo abmiarkoŭvałasia ź biznesam i hramadskaściu. Jość praciŭniki takich źmienaŭ, ale ich zusim niašmat. Tamu budziem płanavać uklučeńnie hetaj normy ŭ zakon», — paabiacała čynoŭnica.
Čytajcie taksama:
U biełaruskich papraŭčych kałonijach zboj pracy internet-kram
Sietka «Miła» nie adnaviła internet-kramu ŭ pryznačany termin
Ciapier čytajuć
Što viadoma pra zatrymanych radyjoamataraŭ, jakim pahražaje až da rasstrełu15
Kamientary