Na pasiadžeńni Rady biaśpieki AAN pa Ukrainie ŭ Ńju-Jorku ŭkrainski prezident zajaviŭ, što Kitaj moža akazać cisk na Rasiju, kab jana spyniła vajnu.
«Tut [u Radzie biaśpieki] taksama pradstaŭleny Kitaj, mahutnaja kraina, ad jakoj Rasija ciapier poŭnaściu zaležyć, — skazaŭ jon. — Kali b Kitaj sapraŭdy chacieŭ spynieńnia hetaj vajny, jon moh by prymusić Maskvu spynić uvarvańnie. Biez Kitaja pucinskaja Rasija — ništo», paviedamlaje Bi-bi-si.
«Adnak zanadta časta Kitaj maŭčyć i trymajecca ŭ baku, zamiest taho kab aktyŭna spryjać miru», — dadaŭ ukrainski prezident.
Piekin paśladoŭna admaŭlaje abvinavačańni ŭ tym, što akazvaje vajennuju dapamohu Kramlu, i imkniecca pradstavić siabie ŭ jakaści biesstarońniaha pasiarednika, hatovaha dapamahčy va ŭrehulavańni kanfliktu.
«Ź pieršaha dnia kryzisu Kitaj zajmaje abjektyŭnuju, biesstarońniuju pazicyju, zaklikajučy da spynieńnia vajennych dziejańniaŭ i vystupajučy za mirnyja pieramovy z metaj palityčnaha ŭrehulavańnia», — cytuje AFP namieśnika pastajannaha pradstaŭnika Kitaja pry AAN Hen Šuana.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary