U tyktoku pakazali, jak vyrablajuć babrujski ziefir ručnoj raboty. Ludzi ździvilisia
U tyktoku chutka nabrała papularnaść videa z bobrujskaj fabryki «Čyrvony charčavik», dzie robiać ziefir «Dźmuchaviec». Adna z rabotnic pakazała praces naniasieńnia šakaładnaj hłazury i vafielnych drabkoŭ na ziefir, i karystalnikaŭ ździviła, što kožny kavałačak afarmlajecca ŭručnuju, zaŭvažyŭ Mogilev.online.
U kamientaryjach mnohija pryznalisia, što byli ŭpeŭnienyja: na takich pradpryjemstvach usio pracuje na kanviejery. Adnak na ŭpakoŭcy «Dźmuchaŭca» sapraŭdy paznačana, što heta ručnaja rabota.
Reakcyi na pabačanaje padzialilisia: adnyja napisali, što taki padychod — «mastactva» i ziefir robicca «z dušoj», inšyja ž ličać, što praces treba daŭno aŭtamatyzavać. Adna karystalnica nazvała heta «pracaj mary», ale inšaja zapiarečyła: «Ja b nie zmahła — ceły dzień siadzieć i kałupacca z kožnaj ziefirynkaj!»
Taksama kamientatary źviarnuli ŭvahu na canu pradukta: ciapier zrazumieła, čamu «Dźmuchaviec» taki darahi. Naprykład, u sietcy Green za ŭpakoŭku z 8 štuk prosiać 18,25 rubla, a na markietpłejsach — kala 20 rubloŭ.
Ciapier čytajuć
Nastaśsia Kaściuhova pra pazicyju Statkieviča i Cichanoŭskaj: Prapanova «dacisnuć» hučyć jak prapanova jašče pačakać niezrazumieła čaho i jak doŭha3636
Kamientary