Piaskoŭ papiaredziŭ Małdovu ab paŭtareńni pamyłak «adnoj dziaržavy»
Śpikier Kramla Dźmitryj Piaskoŭ nazvaŭ pamyłkaj sproby Małdovy zrabić z Rasii antahanista.
Małdova ciapier paŭtaraje pamyłki «adnoj dziaržavy», sprabujučy stvaryć z Rasii voraha, ličyć pres-sakratar prezidenta Rasii Dźmitryj Piaskoŭ, piša TASS.
Tak Piaskoŭ prakamientavaŭ novuju vajennuju stratehiju Kišyniova na pieryjad z 2025 pa 2035 hod, u jakoj ułady nazvali Rasiju «hałoŭnaj pahrozaj». Adnoj z vajennych ryzyk aŭtary dakumienta nazyvajuć vajennuju apieracyju va Ukrainie i dapuskajuć «mahčymaść jaje raspaŭsiudžvańnia».
«Ličać, što kurs na vybudoŭvańnie adnosin ź Jeŭropaj aznačaje poŭnuju antahanizacyju Rasii. Hetuju pamyłku ŭžo adna dziaržava rabiła. Ničoha dobraha heta nie pryniesła hetaj adnoj dziaržavie», — skazaŭ Piaskoŭ.
Jakuju mienavita «adnu dziaržavu» jon maje na ŭvazie, jon nie ŭdakładniŭ.
28 vieraśnia ŭ Małdovie prajšli vybary ŭ parłamient. Na ich pieramahła prajeŭrapiejskaja partyja PAS. Prezident Maja Sandu, raniej nieadnarazova abvinavačvała Maskvu ŭ umiašańni ŭ spravy Małdovy.
Piaskoŭ z hetaj nahody dadaŭ, što, «utrymaŭšysia va ŭładzie, jany praciahvajuć niedružalubnuju liniju» ŭ dačynieńni da Maskvy. «Tut možna tolki vykazać škadavańnie», — skazaŭ jon.
Biełarus u Sierbii rychtavaŭ prarasijskich aktyvistaŭ dla destabilizacyi ŭ Małdovie
BiełdziaržSMI i kanały siłavikoŭ sprabavali budaražyć Małdovu razam z rasijanami. Voś što z hetaha vyjšła
Małdavanie Biełarusi hałasavali nie tak, jak małdavanie Rasii. Upłyŭ prajeŭrapiejskich nastrojaŭ u biełaruskim hramadstvie?
Na vybarach u Małdovie pieramahła prajeŭrapiejskaja partyja prezidenta Sandu, prarasijskaja apazicyja prajhrała
Małdova pakazała, jak Pucinu i Łukašenku možna davać pa zubach i ŭ hibrydnaj vajnie
Kamientary
no riešať etu problemu Mołdovie nado sročno, riešitielno i žiestko.