U Biełarusi ŭpieršyniu źjaviłasia vakcyna, jakuju baćki čakali hadami. Pa šalonym košcie, ale raskupili jaje ŭ momant
Biełaruskija baćki hadami sprabavali ŭhavaryć Minzdaroŭja pačać zakuplać «Bieksiera» — vakcynu suprać mieninhakoku. Niečakana jana źjaviłasia — pa šalonym košcie, ale ŭsim achvotnym jaje nie chapiła ŭsio roŭna.
«Bieksiera» farmiruje imunitet suprać bakteryi, jakaja vyklikaje mieninhakok hrupy B i moža pryvieści da mieninhitu, mieninhakakcemii, paraliču, hłuchaty i navat da śmierci. Kałoć hetuju vakcynu možna z dvuchmiesiačnaha ŭzrostu.
Jość jašče adna vakcyna suprać mieninhakokavaj infiekcyi hrupy B — «Trumienba» — i jana była (i jość) u Biełarusi. Ale «Trumienbu» možna vykarystoŭvać tolki z 10‑hadovaha ŭzrostu.
Nie adzin hod biełaruskija baćki pisali ŭ Minzdaroŭja listy z prośbaj pačać zakuplać «Bieksiera». I pieryjadyčna źjaŭlałasia infarmacyja, što Minzdaroŭja razhladaje mahčymaść pačać heta rabić. Pra heta, naprykład, naprykancy 2022 hoda pisała homielskaja paliklinika №13. Z ahavorkaj, što pakolki hetaja pryščepka nie ŭvachodzić u Nacyjanalny kalandar prafiłaktyčnych pryščepak, to płacić za vakcynu pryjdziecca baćkam.
U časy, kali było praściej ź vizami dy miežami, niekatoryja baćki śpiecyjalna jeździli pryščaplać dziaciej «Bieksiera» ŭ Jeŭropu. Niechta lataŭ u Rasiju, ale tam ciapier taksama niama hetaj vakcyny.
Niadaŭna źjaviłasia infarmacyja, što «Bieksiera» narešcie źjaviłasia ŭ dziciačaj paliklinicy ŭ Novaj Baravoj. Ale košt, kaniečnie, uražvaje — kala 907 rubloŭ (za adnu pryščepku, a ich nieabchodna zrabić dźvie).
Partyja była nievialikaja, achvotnyja zabraniravali ŭsie dozy za adzin ranak. Ź minułaha tydnia pryščepki ŭžo pačali rabić.
Abiacajuć, što nastupnaja partyja źjavicca pryblizna praz paŭtara-dva miesiacy, ale zapisacca na hetuju vakcynu mahčyma tolki praz zahadčycu palikliniki.
Dla paraŭnańnia: u susiedniaj Litvie «Bieksiera» kaštuje ad 100 jeŭra (pryblizna 346 rubloŭ), u Polščy — ad 433 złotych (kala 352 rubloŭ).
Hałoŭny sanitarny doktar raspaviała, jak doŭha dziejničaje pryščepka ad hrypu i kavidu
Biaspłatnuju pryščepku ad virusa papiłomy čałavieka pačnuć rabić nieŭzabavie. Vakcyna ŭ Biełaruś užo pastupiła
Minskaja doktarka zaklikała pryščaplacca ad kavidu
U Biełarusi źviestki ab pryščepkach buduć traplać u ahulnuju aŭtamatyčnuju bazu
Ciapier čytajuć
Łukašenka nazvaŭ patrabavańni i pretenzii da Litvy: alternatyŭny ŭrad, charuhvy, port, mašyny dla Zimbabve, sanatoryj7
Łukašenka nazvaŭ patrabavańni i pretenzii da Litvy: alternatyŭny ŭrad, charuhvy, port, mašyny dla Zimbabve, sanatoryj
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1717
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju17
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy2323
Kamientary