У Беларусі ўпершыню з’явілася вакцына, якую бацькі чакалі гадамі. Па шалёным кошце, але раскупілі яе ў момант
Беларускія бацькі гадамі спрабавалі ўгаварыць Мінздароўя пачаць закупляць «Бексера» — вакцыну супраць менінгакоку. Нечакана яна з’явілася — па шалёным кошце, але ўсім ахвотным яе не хапіла ўсё роўна.
«Бексера» фарміруе імунітэт супраць бактэрыі, якая выклікае менінгакок групы B і можа прывесці да менінгіту, менінгакакцэміі, паралічу, глухаты і нават да смерці. Калоць гэтую вакцыну можна з двухмесячнага ўзросту.
Ёсць яшчэ адна вакцына супраць менінгакокавай інфекцыі групы B — «Труменба» — і яна была (і ёсць) у Беларусі. Але «Труменбу» можна выкарыстоўваць толькі з 10‑гадовага ўзросту.
Не адзін год беларускія бацькі пісалі ў Мінздароўя лісты з просьбай пачаць закупляць «Бексера». І перыядычна з’яўлялася інфармацыя, што Мінздароўя разглядае магчымасць пачаць гэта рабіць. Пра гэта, напрыклад, напрыканцы 2022 года пісала гомельская паліклініка №13. З агаворкай, што паколькі гэтая прышчэпка не ўваходзіць у Нацыянальны каляндар прафілактычных прышчэпак, то плаціць за вакцыну прыйдзецца бацькам.
У часы, калі было прасцей з візамі ды межамі, некаторыя бацькі спецыяльна ездзілі прышчапляць дзяцей «Бексера» ў Еўропу. Нехта лятаў у Расію, але там цяпер таксама няма гэтай вакцыны.
Нядаўна з’явілася інфармацыя, што «Бексера» нарэшце з’явілася ў дзіцячай паліклініцы ў Новай Баравой. Але кошт, канечне, уражвае — каля 907 рублёў (за адну прышчэпку, а іх неабходна зрабіць дзве).
Партыя была невялікая, ахвотныя забраніравалі ўсе дозы за адзін ранак. З мінулага тыдня прышчэпкі ўжо пачалі рабіць.
Абяцаюць, што наступная партыя з’явіцца прыблізна праз паўтара-два месяцы, але запісацца на гэтую вакцыну магчыма толькі праз загадчыцу паліклінікі.
Для параўнання: у суседняй Літве «Бексера» каштуе ад 100 еўра (прыблізна 346 рублёў), у Польшчы — ад 433 злотых (каля 352 рублёў).
Галоўны санітарны доктар распавяла, як доўга дзейнічае прышчэпка ад грыпу і кавіду
Бясплатную прышчэпку ад віруса папіломы чалавека пачнуць рабіць неўзабаве. Вакцына ў Беларусь ужо паступіла
Мінская доктарка заклікала прышчапляцца ад кавіду
У Беларусі звесткі аб прышчэпках будуць трапляць у агульную аўтаматычную базу
Цяпер чытаюць
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя7
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары