U byłym klaštary biernardynaŭ u Dubroŭnie budzie stamatałohija, aryjentavanaja na zamiežnikaŭ
Budynak byłoha manastyra biernardynaŭ u Dubroŭnie nabyŭ novy haspadar. Z elektronnych tarhoŭ była pradadziena staražytnaja pabudova ŭ Viciebskaj vobłaści.
Pavodle infarmacyi «BUTB-Majomaść», u aŭkcyjonie ŭdzielničaŭ adzin pakupnik, jaki i nabyŭ łot za simvaličnyja 44 rubli, piša Realt.by.
Pamiatnik architektury znachodzicca ŭ centry miastečka Dubroŭna Viciebskaj vobłaści. Heta — žyvapisnyja miaściny pobač z Dniaprom. Adlehłaść ad Minska — kala 240 kiłamietraŭ.
Klaštar biernardynaŭ byŭ zasnavany ŭ 1630 hodzie. Praź niekalki dziesiacihodździaŭ draŭlanyja budynki zhareli ŭ pažary, a zatym u 1809 hodzie byli adnoŭleny kniaziem Ksavieryjem Lubamirskim. Da našych dzion dajšoŭ tolki dvuchpaviarchovy žyły korpus. U saviecki čas u pabudovie z čarapičnaj dacham pracavała škoła, a potym budynak apuścieŭ.
Darevalucyjnaja pabudova płoščaj 456 kvadratnych mietraŭ nieadnojčy vystaŭlałasia na tarhi — naprykład, u minułym hodzie jaje chacieli pradać za 371 tysiaču rubloŭ. Ale pakolki pakupnikoŭ nie było, pačatkovy košt byłoha manastyra źnizili da 42 rubloŭ, što i stała załoham pośpiechu
Novym ułaśnikam staražytnaha budynka stała arhanizacyja, jakaja akazvaje pasłuhi ŭ halinie stamatałohii i pratezavańnia. Byłyja manastyrskija ścieny płanujecca adrestaŭravać i raźmiaścić u ich stamatałahičnuju kliniku, aryjentavanuju na zamiežnikaŭ. Razam z budynkam novamu ŭłaśniku dastałasia ŭčastak u 27 sotak. Jaho pieradaduć u arendu na 50 hadoŭ.
Ciapier čytajuć
«Ja bolš nie anarchist». Mikoła Dziadok — pra turmu, Boha i rasčaravańnie ŭ ideałohijach19
Kamientary
[Zredahavana]