«Zaŭtra — sustrečy ŭ Turcyi. Rychtujem aktyvizacyju pieramovaŭ, i ŭ nas jość napracavanyja rašeńni, jakija prapanujem partnioram», — napisaŭ prezident Ukrainy.
Prezident Ukrainy Uładzimir Zialenski abviaściŭ pra vizit u Turcyju z metaj aktyvizavać mirnyja pieramovy z Rasijaj, piša Deutsche Welle.
«Zaŭtra — sustrečy ŭ Turcyi. Rychtujem aktyvizacyju pieramovaŭ, i ŭ nas jość napracavanyja rašeńni, jakija prapanujem partnioram. Usioj siłaju nabližać zakančeńnie vajny — pieršy pryjarytet Ukrainy. Pracujuć taksama, kab adnavić abmien i viartańnie pałonnych», — napisaŭ jon u sacsietkach u aŭtorak, 18 listapada.
Nieŭzabavie paśla hetaha infarmavanaja krynica ŭ Turcyi paviedamiŭ ahienctvu Reuters, što śpiecpradstaŭnik ZŠA Styŭ Uitkaf 19 listapada naviedaje Turcyju i prymie ŭdzieł u zapłanavanych tam pieramovach ź Zialenskim. AFP ža sa spasyłkaj na ŭkrainskuju krynicu piša, što prezident Ukrainy sustreniecca ŭ Ankary sa svaim tureckim kaleham Redžepam Taipam Erdahanam.
Pres-sakratar Uładzimira Pucina Dźmitryj Piaskoŭ raspavioŭ, što rasijski bok nie atrymlivaŭ «nijakaj infarmacyi z Kijeva». Pradstaŭnikoŭ RF u Turcyi ŭ tyja dni, kali tudy pryjedzie Zialenski, nie budzie, udakładniŭ jon.
11 listapada namieśnik ministra zamiežnych spraŭ Ukrainy Siarhiej Kiścica zajaviŭ pra prypynieńnie mirnych pieramovaŭ pamiž Kijevam i Maskvoj u suviazi z adsutnaściu prahresu. «U varunkach dyktatury (u Rasii) niemahčyma vieści plonnyja dyskusii ź pieramoŭnymi hrupami, jakija pradstaŭlajuć dyktatara. U ich vielmi žorstki mandat, i jany pavinny adstojvać tuju pazycyju, jakuju im zahadali», — patłumačyŭ tady Kiścica.
U toj ža čas 16 listapada ŭ Kijevie zajavili, što ŭskosnyja pieramovy ab abmienie pałonnymi z RF znoŭ viaducca. Sakratar Savietu nacyjanalnaj biaśpieki i abarony Ukrainy Rustem Umieraŭ patłumačyŭ, što havorka idzie pra ŭznaŭleńnie abmienu ŭ ramkach «stambulskich damoŭlenaściaŭ». Pasiarednikami ŭ abmierkavańni ŭznaŭlenia abmienu vystupili Turcyja i AAE. «U najbližejšy čas projduć techničnyja kansultacyi. Jany pavinny zamacavać usie pracedurnyja i arhanizacyjnyja momanty», — ukazaŭ kiraŭnik RNBA
-
Zialenski zajaviŭ pra hatoŭnaść da mirnaha pahadnieńnia z raźmiežavańniem pa ciapierašniaj linii frontu
-
U Rasii čarhovy rehijon skaraciŭ vypłaty siemjam zahinułych na vajnie suprać Ukrainy
-
Adrezaŭ sabie stupniu nažom dla tušonki i praciahvaŭ vajavać. Historyja ŭkrainca, jakoha evakujavali bieśpiłotnikam paśla 491 dnia na pazicyi
Kamientary
Rasiejskaja armija bamžy, navat Kijeŭ za 3 dni nie ŭziali. Ukraina vyrablaje drony i rakiety, katoryja pakinuć ad kramla ruiny.