Sietka kramaŭ «Santa» płanuje za try hady adkryć kala 100 novych handlovych abjektaŭ. Pra heta paviedamlajecca ŭ praśpiekcie emisii kampanii «Santa Rytejł», jakaja naležyć Alaksandru Mašenskamu. Dla finansavańnia svaich płanaŭ rytejler raźličvaje pryciahnuć 85 miljonaŭ rubloŭ praz raźmiaščeńnie ablihacyj siarod biełaruskich bankaŭ, piša Office Life.
Ciapier u sietcy «Santa» naličvajecca 268 kramaŭ i 7 składoŭ, pry hetym najbolšaja kolkaść kram znachodzicca ŭ Minskaj i Bresckaj abłaściach.
Paśla ździełki z kampanijaj «Vitalur» u kancy 2022 hoda sietka «Santa» značna pašyryłasia: tady ŭ «Santy» było 210 kram, a ŭ «Vitalura» — 80. Adnak paźniej častku arandavanych u «Vitalura» abjektaŭ «Santa» pakinuła.
U 2026—2028 hadach kampanija płanuje aktyŭna adkryvać pa 30 novych kram štohod. Da kanca 2028 hoda ahulnaja płošča handlovych abjektaŭ pavinna pavialičycca na 43 tysiač kv. m i dasiahnuć 384,5 tysiač kv. m, a handlovaja płošča — na 22%, da 152,1 tysiačy kv. m.
Inviestycyi ŭ novyja kramy za try hady składuć bolš za 120 miljonaŭ biełaruskich rubloŭ, pryčym asnoŭnaj krynicaj finansavańnia buduć ułasnyja srodki kampanii. Novyja abjekty pavinny zabiaśpiečyć štodzionny rost tavaraabarotu minimum na 37 miljonaŭ rubloŭ.
Kampanija prahnazuje, što ŭ 2028 hodzie vyručka pieravysić 4 miljardy rubloŭ, a čysty prybytak budzie bolš za 87 miljonaŭ rubloŭ. Dla paraŭnańnia, letaś pry vyručcy 2,34 miljarda rubloŭ čysty prybytak skłaŭ 91,6 miljona rubloŭ.
Siarod asnoŭnych ryzyk rytejler nazyvaje źmianieńni zakanadaŭstva ŭ halinie cenaŭtvareńnia i padatkaabkładańnia, rost sankcyjnaha cisku na Biełaruś, što moža abmiežavać pastaŭki i apłatu krytyčnaha impartu, a taksama asłableńnie biełaruskaha rubla, jakoje moža źnizić pakupnickuju zdolnaść nasielnictva. U «Sancie» adznačajuć, što ŭ vypadku ŭźniknieńnia luboj z hetych ryzyk buduć pryniatyja ŭsie mahčymyja miery dla minimizacyi ich niehatyŭnaha ŭpłyvu.
«Nie atrymlivali dyvidendaŭ». Padobna, što «Santa» adkazała na abvinavačvańni «Biełpoła»
Z dakładnoj zapiski Mašenskaha Łukašenku stała viadoma pra dziaržaŭnyja źnižki dla kampanii biźniesmiena
Polšča admianiła zabaronu na ŭjezd dla Alaksandra Mašenskaha. U jaho znajšłosia hramadzianstva Kipra
Isłandyja vyzvaliła Mašenskaha ad abaviazkaŭ hanarovaha konsuła
Ciapier čytajuć
31‑hadovy rasijanin akruciŭ 17‑hadovuju biełarusku. Finał historyi strašny: turma za narkotyki, śmierć dziciaci, «SVA» i skradzienyja hrabavyja11
Kamientary