Сетка крамаў «Санта» плануе за тры гады адкрыць каля 100 новых гандлёвых аб’ектаў. Пра гэта паведамляецца ў праспекце эмісіі кампаніі «Санта Рытэйл», якая належыць Аляксандру Машэнскаму. Для фінансавання сваіх планаў рытэйлер разлічвае прыцягнуць 85 мільёнаў рублёў праз размяшчэнне аблігацый сярод беларускіх банкаў, піша Office Life.
Цяпер у сетцы «Санта» налічваецца 268 крамаў і 7 складоў, пры гэтым найбольшая колькасць крам знаходзіцца ў Мінскай і Брэсцкай абласцях.
Пасля здзелкі з кампаніяй «Віталюр» у канцы 2022 года сетка «Санта» значна пашырылася: тады ў «Санты» было 210 крам, а ў «Віталюра» — 80. Аднак пазней частку арандаваных у «Віталюра» аб’ектаў «Санта» пакінула.
У 2026—2028 гадах кампанія плануе актыўна адкрываць па 30 новых крам штогод. Да канца 2028 года агульная плошча гандлёвых аб’ектаў павінна павялічыцца на 43 тысяч кв. м і дасягнуць 384,5 тысяч кв. м, а гандлёвая плошча — на 22%, да 152,1 тысячы кв. м.
Інвестыцыі ў новыя крамы за тры гады складуць больш за 120 мільёнаў беларускіх рублёў, прычым асноўнай крыніцай фінансавання будуць уласныя сродкі кампаніі. Новыя аб’екты павінны забяспечыць штодзённы рост тавараабароту мінімум на 37 мільёнаў рублёў.
Кампанія прагназуе, што ў 2028 годзе выручка перавысіць 4 мільярды рублёў, а чысты прыбытак будзе больш за 87 мільёнаў рублёў. Для параўнання, летась пры выручцы 2,34 мільярда рублёў чысты прыбытак склаў 91,6 мільёна рублёў.
Сярод асноўных рызык рытэйлер называе змяненні заканадаўства ў галіне цэнаўтварэння і падаткаабкладання, рост санкцыйнага ціску на Беларусь, што можа абмежаваць пастаўкі і аплату крытычнага імпарту, а таксама аслабленне беларускага рубля, якое можа знізіць пакупніцкую здольнасць насельніцтва. У «Санце» адзначаюць, што ў выпадку ўзнікнення любой з гэтых рызык будуць прынятыя ўсе магчымыя меры для мінімізацыі іх негатыўнага ўплыву.
«Не атрымлівалі дывідэндаў». Падобна, што «Санта» адказала на абвінавачванні «Белпола»
З дакладной запіскі Машэнскага Лукашэнку стала вядома пра дзяржаўныя зніжкі для кампаніі бізнесмена
Польшча адмяніла забарону на ўезд для Аляксандра Машэнскага. У яго знайшлося грамадзянства Кіпра
Ісландыя вызваліла Машэнскага ад абавязкаў ганаровага консула
Цяпер чытаюць
«Жэня пагадзіўся на будоўлю, а не ваяваць. І толькі калі выйдзе з запою!»: як прадалі ў расійскую армію жыхара Лёзна. Ахвяра не адна5
Каментары