Siłaviki zaprašajuć biełarusaŭ na kastynh. Kab trapić u «film», treba raskazać pra ŭdzieł u pratestach
Režysior Alaksiej Pałujan raskazaŭ «Našaj Nivie», što ad imia jaho kamandy ŭ telehramie pačałasia rassyłka z zaprašeńniami prajści kastynh dla zdymak u filmie «Spadčyna». Pryčym dla pieršaha etapu adboru čamuści zusim niavažny aktorski dośvied: hałoŭnaje padać svaje asabistyja źviestki (u tym liku imia i aktualnaje miesca žycharstva), a taksama adkazać na pytańnie, ci ŭdzielničaŭ čałaviek u pratestach 2020 hoda. Vidavočna, što takoje nie budzie cikavić kastynh-dyrektaraŭ, a voś cikavaść z boku siłavikoŭ tut całkam łahičnaja.
«Hetyja paviedamleńni nie majuć nijakaha dačynieńnia da majoj kamandy, bo kastynh da prajekta adbyvajecca tolki polskim kastynh-dyrektaram i tolki praź internet-partał dla prafiesijnych akcioraŭ Filmmakers.eu. Budźcie pilnymi i bieražycie siabie!», — zaklikaje Alaksiej Pałujan.
Fejkavyja paviedamleńni pačali prychodzić biełarusam paśla taho, jak «Naša Niva» napisała pra novy prajekt Alaksieja Pałujana, dla jakoha dahetul šukajuć akcioraŭ — jak hałoŭnych, tak i masavych scen (naprykład, kab źniać pratesty na Stele 9 žniŭnia). Zdymki stužki zapłanavanyja na žnivień 2026 hoda.
Skrynšoty z hetymi paviedamleńniami dasłała ŭ redakcyju «Lusterka» adna z čytačak. Na ich čałaviek, jaki nazyvajecca Arturam i členam kamandy Alaksieja Pałujana, z akaŭnta, zaviedzienaha ŭ žniŭni 2025 hoda, na ruskaj movie zaklikaje pryniać udzieł u pieršym etapie kastynhu, i dla hetaha ŭkazać svajo imia, miesca naradžeńnia, aktualnaje miesca žycharstva i raskazać pra ŭdzieł ŭ akcyjach u 2020-m.
Z detalnaj infarmacyi pra budučy film — vyklučna artykuł «Našaj Nivy» i bolš nijakich inšych dadzienych ci kantaktaŭ dla zvarotnaj suviazi.
Bialacki: Nie treba śpiašacca admianiać sankcyi. Bo heta budzie ŭspryniata režymam jak jaho pieramoha i słabaść Jeŭropy15
Kamientary
[Zredahavana]