Suśvietny čempijon pa kolkaści zubroŭ užo nie Biełaruś i nie Polšča
Vyjšła ŭ śviet čarhovaja radavodnaja kniha zubroŭ. Pavodle infarmacyi ź jaje, pa stanie na 31 śniežnia 2024 hoda ŭ śviecie naličvajecca 12 209 zubroŭ, ź ich žyvučych na voli — 9762 (80,0%), paŭvolnych — 722 (5,9%) i valjernych — 1725 (14,1%), piša pres-słužba Nacyjanalnaha parku «Biełaviežskaja pušča».
Na pieršaje miesca pa kolkaści zubroŭ vyjšła Rasijskaja Fiederacyja z kolkaściu zubroŭ u 3073 asobiny (25,2% ad suśvietnaha pahałoŭja). U Biełarusi naličvajecca 2927 zubroŭ (24,0%), u Polščy — 3060 (25,1%), Hiermanii — 643 (5,3%), Ukrainie — 480 (3,9%), Rumynii — 451 (3,7%), Litvie — 339 (2,8%). U hetych siami krainach razam uličana 10973 zubry, abo 90% ad usiaho suśvietnaha pahałoŭja.
U paraŭnańni z papiarednim hodam suśvietnaje pahałoŭje zubroŭ pavialičyłasia na 1029 asobin, abo na 8,4%. Adznačajecca tendencyja da pavieličeńnia kolkaści zubroŭ, jakija žyvuć na voli (na 950 asobin u paraŭnańni z papiarednim hodam).
Pa danych apošnich ulikaŭ, najbujniejšyja papulacyi zubroŭ u Respublicy Biełaruś kolkaściu bolš za 100 asobin zarehistravanyja ŭ nastupnych miescach:
- Nacyjanalny park «Biełaviežskaja pušča» — 726;
- Asipovicki vopytny lashas — 680;
- Sielskahaspadarčy vytvorčy kaapieratyŭ «Aziory Hrodzienskaha rajona» — 529;
- Palaŭničaja haspadarka «Čyrvony Bor» — 348;
- Paleski radyjacyjna-ekałahičny zapaviednik — 212;
- Łandšaftny zakaźnik «Nalibocki» — 130;
- Nacyjanalny park «Prypiacki» — 124.
Zdabyvańnie palaŭničymi zubroŭ uzrasło ŭ try razy
U Viciebskaj vobłaści karova naradziła ad zubra
«Nahaniaje adčuvańnie śmierci i biezvychodnaści, chočacca najchutčej pakinuć». Biełaruski zapisali dziŭny dyjałoh turysta ŭ Biełaviežskaj puščy
U Baškartastan zaviazuć jašče 18 biełaruskich zubroŭ
Biełaviežskaja pušča pradała troch zubroŭ u Tatarstan
Ciapier čytajuć
«Zasiarodžusia na pracy z ZŠA». Cichanoŭski raskazaŭ pra svaje palityčnyja płany na 2026 hod32
Kamientary