U Minsku vyrašajuć pytańnie z pustkami ŭ Kamiennaj Horcy i Dambroŭcy — zamiest ich mohuć źjavicca parkoŭki
Niezabudavanyja ŭčastki ŭ žyłych rajonach Kamiennaja Horka i Dambroŭka mohuć pieratvarycca ŭ parkoŭki. Pra heta raspavioŭ kiraŭnik administracyi Frunzienskaha rajona Arciom Šahidzievič, paviedamlajuć «Minsk-Naviny».
Minčanie pacikavilisia losam pustak u Kamiennaj Horcy i Dambroŭcy.
— Siońnia pustych płoščaŭ u płanie detalovaha płanavańnia horada praktyčna niama, — rastłumačyŭ Šahidzievič. — Hetyja placoŭki zareziervavanyja dla budaŭnictva peŭnych abjektaŭ. Naprykład, sacyjalnych ci handlovych. Ale žyćcio pakazała, što patreba ŭ ich užo adpała: dastatkova mahazinaŭ, škoły i dziciačyja sady spraŭlajucca z nahruzkaj. Tamu na daručeńnie staršyni Minharvykankama rajonnaja administracyja aktyŭna pracuje nad tym, kab sabrać danyja pa takich placoŭkach. Aktualizavać isnujučy hienpłan, unieści ŭ jaho niejkija novaŭviadzieńni. Naprykład, my razumiejem, što vostra staić pytańnie z parkovačnymi miescami. Tamu takija volnyja placoŭki razhladajem u pieršuju čarhu dla parkoŭki.
Kiraŭnik rajonnaj administracyi ŭdakładniŭ, što pakul nielha skazać ni jak jany buduć vyhladać, ni kali buduć pabudavanyja. Jak i toje, dzie mienavita jany źjaviacca i kolki praisnujuć. Mahčyma, heta buduć kapitalnyja parkoŭki, a moža być — časovyja, raźličanyja na niekalki hadoŭ. Pakul idzie tolki prapracoŭka mahčymaści vykarystańnia hetych niezabudavanych terytoryj pad parkovačnyja miescy.
Ciapier čytajuć
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec24
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary