У Мінску вырашаюць пытанне з пусткамі ў Каменнай Горцы і Дамброўцы — замест іх могуць з'явіцца паркоўкі
Незабудаваныя ўчасткі ў жылых раёнах Каменная Горка і Дамброўка могуць ператварыцца ў паркоўкі. Пра гэта распавёў кіраўнік адміністрацыі Фрунзенскага раёна Арцём Шагідзевіч, паведамляюць «Мінск-Навіны».
Мінчане пацікавіліся лёсам пустак у Каменнай Горцы і Дамброўцы.
— Сёння пустых плошчаў у плане дэталёвага планавання горада практычна няма, — растлумачыў Шагідзевіч. — Гэтыя пляцоўкі зарэзерваваныя для будаўніцтва пэўных аб'ектаў. Напрыклад, сацыяльных ці гандлёвых. Але жыццё паказала, што патрэба ў іх ужо адпала: дастаткова магазінаў, школы і дзіцячыя сады спраўляюцца з нагрузкай. Таму на даручэнне старшыні Мінгарвыканкама раённая адміністрацыя актыўна працуе над тым, каб сабраць даныя па такіх пляцоўках. Актуалізаваць існуючы генплан, унесці ў яго нейкія новаўвядзенні. Напрыклад, мы разумеем, што востра стаіць пытанне з парковачнымі месцамі. Таму такія вольныя пляцоўкі разглядаем у першую чаргу для паркоўкі.
Кіраўнік раённай адміністрацыі ўдакладніў, што пакуль нельга сказаць ні як яны будуць выглядаць, ні калі будуць пабудаваныя. Як і тое, дзе менавіта яны з'явяцца і колькі праіснуюць. Магчыма, гэта будуць капітальныя паркоўкі, а можа быць — часовыя, разлічаныя на некалькі гадоў. Пакуль ідзе толькі прапрацоўка магчымасці выкарыстання гэтых незабудаваных тэрыторый пад парковачныя месцы.
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары