Pafasny i duža darahi restaran u Hrodnie trapiŭ u skandał praz karciny biełaruskaj mastački
Biełaruskaja mastačka Dzina Makarevič abvinavačvaje modny restaran The Cult u Hrodna ŭ tym, što jaje karciny vykarystoŭvali biaspłatna dla ŭpryhožvańnia interjeru. A jana spadziavałasia, što ich pradaduć!
Pra kryŭdnuju situacyju talenavitaja mastačka Dzina Makarevič raspaviała ŭ Threads.
Pa jaje słovach, pieršapačatkova restaran The Cult uziaŭ niekalki jaje karcin, kab paviesić u zali. Apłata za takuju arendu nie była praduhledžana, bo mastačcy kazali, što pradaduć ich. Nasamreč, heta zvyčajnaja praktyka: kaviarnia biare karciny, jakimi ŭpryhožvaje interjer, i źmiaščaje pad imi infarmacyju pra toje, za kolki možna ich nabyć (tak, naprykład, pracuje bistro-bar «Vinovnica» ŭ Minsku).
Nahadajem: sioleta ŭ Hrodnie na vulicy Vilenskaj, 37 na miescy histaryčnaha budynku adkryŭsia novy bucik-hatel i restaran The Cult — i adrazu vyklikaŭ nieadnaznačnuju reakcyju praz ceny. Hatel z restaranam adkryła hrodzienskaja dyzajnierka adzieńnia Iryna Zvonka razam z mužam. Haściej jany zavablivali interjerami «jak z Pinterest».
Mienavita ŭ Iryny Dzina i ŭdakładniła, ci moža restaran raźmiaścić pad jaje pracami tablički halerejnaha typu ź nieabchodnymi źviestkami. Taja adkazała łakanična: «Tak, zamovim».
Darečy, u akaŭncie The Cult jość ryłs, u jakim raschvalvajuć karciny mastački, ale i tam ničoha nie kažuć pra toje, što ich možna nabyć.
Prykładna praz paŭhoda znajomaja mastački viačerała ŭ The Cult i źviarnuła ŭvahu na toje, što nijakich tabličak pad karcinami tak i nie źjaviłasia. Jana napisała Dzinie, što nikoli b nie zdahadałasia, što pracy možna nabyć.
Mastačka vyrašyła ŭdakładnić va ŭładalnicy, što ž adbyvajecca. I prapanavała restaratarcy prosta vykupić karciny, kab pazbavicca nieparazumieńniaŭ.
«A vy dumajecie, tak prosta niešta zrabić na zamovu ŭ Biełarusi?!» — adkazała Iryna Zvonka.
Sama Dzina pierajechała ŭ Varšavu, a ŭ hety momant uvohule znachodzicca na Bali. Tamu spytała ŭ karystalnikaŭ Threads: «Padkažycie, kali łaska, nakolki składana razdrukavać papierku ŭ Biełarusi? Tam pryntary skončylisia?».
Bolšaść kamientataraŭ pahadziłasia z tym, što pavodziny Iryny Zvonka vyhladajuć nie vielmi pryhoža. U kamientarach adznačyłasia błohierka Maryja Hurbanava: «Karciny krutyja, bačyli ich užyvuju i nikoli b nie padumali, što jany pradajucca. Zabirajcie ich nieadkładna».
Sama ž Iryna Zvonka taksama źjaviłasia ŭ kamientarach. Spačatku jana napisała: «Nadrukavanyja papierki ŭ restaranach nie viešajuć». A potym uvohule zajaviła, što bolš nie choča supracoŭničać z mastačkaj: «Dziaŭčyna znachodzicca nie ŭ Biełarusi, vy možacie źviazacca ź joj nakont nabyćcia, a zabrać ich u nas u The Cult.
«Naša Niva» — bastyjon biełaruščyny
PADTRYMAĆ8‑hadovuju dziaŭčynku ź invalidnaściu nie chacieli puskać u minskaje kafe. Kazali, što jaje vazok zajmaje šmat miesca
«Ad maskaloŭ i dla maskaloŭ. A vy dumali, što dla biełarusaŭ zrobiać?» U centry Minska adkryłasia «Draničnaja №1»
Modnaja minskaja kaviarnia «Marks» trapiła ŭ skandał: adtul paprasili syści žančynu, jakaja malavała. Ale ŭsio nie tak adnaznačna
Kaviarnia «Marks», ź jakoj vyhnali mastačku, vybačyłasia. Ciapier abaroncy kafe pakryŭdzilisia i zaklikajuć da jaho kenselinhu
Kamientary