Prezident Ukrainy Uładzimir Zialenski ŭ svaim navahodnim zvarocie zajaviŭ, što vajna moža skončycca ŭžo ŭ 2026 hodzie, adnak dla hetaha nieabchodna istotna ŭzmacnić mižnarodny cisk na Rasiju.
Pa słovach Zialenskaha, mirnaje pahadnieńnie ŭžo amal hatovaje — prykładna na 90 pracentaŭ. Adnak mienavita tyja astatnija 10 pracentaŭ buduć vyrašalnymi dla losu Ukrainy, Jeŭropy i ŭsiaho rehijonu.
Prezident Ukrainy adznačyŭ, što chacieŭ by abviaścić pra chutki mir užo ciapier, ale pakul nie moža hetaha zrabić. Pry hetym jon padkreśliŭ, što Ukraina robić i budzie rabić usio mahčymaje dla dasiahnieńnia miru.
Zialenski zajaviŭ, što Rasija mahła b chutka spynić vajnu, ale nie žadaje hetaha.
Tamu, pavodle jaho słoŭ, adzinym dziejsnym šlacham zastajecca mocny cisk z boku mižnarodnaj supolnaści. Jon padkreśliŭ, što ŭ svajoj historyi Rasija nikoli nie zakančvała vojny dobraachvotna — tolki pad prymusam.
Uładzimir Zialenski taksama vykazaŭ zaniepakojenaść tym, što ŭ śviecie dahetul jość tyja, chto vieryć słovam Rasii. Na jaho dumku, takaja naiŭnaść stvaraje surjoznuju pahrozu dla mižnarodnaj biaśpieki.
Jon adznačyŭ, što sankcyi ŭžo nanosiać škodu rasijskaj ekanomicy, ale hetaha niedastatkova. Kab vajna spyniłasia, cisk pavinien być maksimalnym: pastaŭki rasijskaj nafty treba całkam zabłakavać, zavody — spynić, a ahresar pavinien stracić mahčymaść vieści bajavyja dziejańni.
Zialenski taksama padkreśliŭ, što sučasnaja zbroja va ŭkrainskich rukach stała b dadatkovym dokazam taho, što mir nie maje alternatyvy.
Na zakančeńnie jon zajaviŭ, što pry chutkich i rašučych dziejańniach mižnarodnaj supolnaści rasijskuju ahresiju možna spynić užo ŭ 2026 hodzie.
Tramp zarepościŭ artykuł «Pustasłoŭje Pucina pra «ŭdar» pa im pakazvaje, što mienavita Rasija staić na pieraškodzie miru»
Cichanoŭskaja pavinšavała biełarusaŭ razam z Kaleśnikavaj, Sieviaryncam i Łatuškam
Cichanoŭski ŭ navahodnim zvarocie zaklikaŭ da «finlandyzacyi», daravańnia tym, «kaho paputaŭ bies», i pavahi da Trampa
«Jak tam našy praciŭniki, sapierniki i vorahi?» Pierad navahodnim zvarotam Łukašenka demanstratyŭna pazvaniŭ Chreninu
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary