Pierad Kaladami Neli Vadanosava pieraniesła ciažki insult i trapiła ŭ balnicu. Paru dzion tamu jaje dačka, viadučaja Kaciaryna Vadanosava, napisała, što ŭ maci pačałasia ahonija.
Pozna ŭviečary 1 studzienia viadoŭca paviedamiła, što maci nie stała.
«34 hady maja mama čakała sustrečy z maim tatam. Spadziajusia, jany ŭžo razam. A ja ciapier kruhłaja sirata. Mama pamierła», — napisała ŭ fejsbuku Kaciaryna Vadanosava.
23 śniežnia ŭ mamy Kaciaryny Neli ŭ Biełastoku zdaryŭsia insult. Žančynu paralizavała, jana nie prychodziła ŭ prytomnaść. Daktary apieratyŭna pryjechali, advieźli ŭ špital, praviali apieracyju. «Pałova jaje mozhu zalitaja kryvioj. Heta niezvarotna», — apisvała situacyju Kaciaryna.
U hety čas vyśvietliłasia, što Upraŭleńnie pa spravach inšaziemcaŭ nie ŭniesła pažyłuju žančynu ŭ bazu zastrachavanych. Kaciaryna tady vykazała aściarohu, što rachunak za apieracyju i inšyja miedycynskija manipulacyi moža skłaści ad dziasiatkaŭ da sotniaŭ tysiač złotych. Paśla hetaha chutka byŭ sabrany dabračynny zbor na «Bajsole» na €15 000.
Maci televiadoŭcy bolš za hod tamu vyjechała ź Biełarusi praź cisk z boku KDB i padałasia na mižnarodnuju abaronu. Apošnim časam jana žyła razam ź siamjoj dački ŭ Biełastoku.
Uvosień polskaja pamiežnaja słužba pryniała pastanovu ab jaje departacyi ŭ Litvu praź biurakratyčnyja nieparazumieńni: ułady nie ŭličyli, što sprava ab mižnarodnaj abaronie jašče razhladałasia i byŭ pryznačany sud. Paźniej departacyju admianili.
Pryčynaj pahrozy vysyłki stała toje, što žančyna pryjechała ŭ Polšču ź litoŭskaj vizaj. Heta źviazana z tak zvanym Dublinskim rehłamientam, jaki vyznačaje, jakaja kraina niasie adkaznaść za razhlad chadajnictva ab prytułku abo mižnarodnaj achovie.
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata16
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1313
Kamientary