Maci Kaciaryny Vadanosavaj nie vyšluć z Polščy ŭ Litvu — rašeńnie suda
Neli Vadanosava zastaniecca ŭ Polščy, niahledziačy na Dublinski rehłamient, zhodna ź jakim jaje musili adpravić u Litvu, bo ŭ žančyny litoŭskaja viza, a mižnarodnuju abaronu jana prosić u Polščy. Takoje rašeńnie pryniaŭ Varšaŭski administracyjny sud 28 kastryčnika, paviedamlaje «Biełsat» z zali suda.
Maci muzyki i kulturnickaj dziajački Kaciaryny Vadanosavaj, Neli Vadanosavaj, usio ž dazvolili zastacca ŭ Polščy — sud pryznaŭ, što papiaredniaje rašeńnie ab jaje vysyłcy ŭ Litvu nie adpaviadaje pravu i było vyniesiena z parušeńniami.
Paśla vyjezdu ź Biełarusi žančyna padałasia na mižnarodnuju abaronu ŭ Polščy, ale polskaja pamiežnaja słužba 30 vieraśnia apaviaściła siamju, što Neli Vadanosavu źbirajucca adpravić u Litvu ŭžo 6 kastryčnika, bo jana zajechała ŭ ES pavodle litoŭskaj vizy.
Kaciaryna Vadanosava adznačała, što jaje maci ŭžo 74 hady i jana maje mnostva chvarob. Padčas vobšuku i dopytu ŭ Minsku ŭ Neli Vadanosavaj zdaryŭsia infarkt. U Litvie ŭ žančyny nikoha niama. Kaciaryna adznačała, što jaje maci prosta nie vyžyvie bieź jaje.
Kiraŭnik Narodnaha antykryzisnaha ŭpraŭleńnia i lidar frakcyi «Kamanda Łatuški i Ruch «Za Svabodu» ŭ Kaardynacyjnaj radzie Pavieł Łatuška źviartaŭsia da polskich uładaŭ z prośbaj nie departavać Nelli Vadanosavu.
Varšaŭski administracyjny sud prypyniŭ vykanańnie pastanovy ab vysyłcy ŭ Litvu da kanca kastryčnika, razhlad spravy byŭ pieraniesieny na 28 kastryčnika.
Ciapier čytajuć
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja1919
Kamientary
Na praciahu apošnich 20 hadoŭ sotni tysiač Čačenaŭ pryjazdžali u Polšču pa polskich vizach, a praz kilka dni źjazdžali u Bielhiju albo Francyju. Nichto ich nazad u Polšču nia viartau, zastalisia tam.