U Minsku dziaŭčyna pakazała, jak jeździć u kramu na snoŭbordzie VIDEA
Cykłon «Uli» nasypaŭ u Biełarusi stolki śniehu, što žycharam ničoha nie zastajecca, jak tolki vykarystoŭvać situacyju dla zabaŭ, nie vybirajučysia admysłova dla hetaha ŭ hory.
Adna z karystalnic sacsietki Threads pakazała, jak, skarystaŭšysia z taho, što minskaja vulica maje nievialiki schił, možna davoli doŭhuju dystancyju prajechać na snoŭbordzie.
«Ja znajšła najlepšy varyjant, jak dabiracca pa chleb», — pažartavała jana.
Adzin z kamientataraŭ pakazaŭ u adkaz «krychu palepšany» varyjant, dzie snoŭbord z haspadarom ciahnie, nibyta va ŭmovach Krajniaj Poŭnačy, zaprežany sabaka.
Uvohule kamientatary sustreli videa pazityvam i žartami, adno što tolki cikavilisia, jak paśla dabiracca nazad. Zrešty, u hetym nie było aryhinalnaści — byli varyjanty tolki «nožkami» ci, jak u vypadku samoj hetaj dziaŭčyny: «Muž unizie zabraŭ na mašynie (taksama svajho kštałtu padjomnik)».
Praŭda, siarod sucelnaha pazityvu prakidalisia i razdražnionyja kamientaryi:
«Boža, tolki ad samakatčykaŭ pazbavilisia, a tut jašče i hetyja pavyłazili. Pabaču choć by praz darohu — vykliču milicyju».
Ciapier čytajuć
Adzieńnie dziaŭčyny, znojdzienaje ŭ Ślapiancy, padobnaje da vopratki Jany Kastrankovaj — dački dyrektara bujnoha ahrakompleksu2
Kamientary