Iłan Mask dabivajecca spahnańnia da 134 miljardaŭ dołaraŭ z kampanij OpenAI i Microsoft. Pavodle sudovaha isku, padadzienaha ŭ sud, miljarder nastojvaje, što zasłuhoŭvaje atrymać častku «niepravamiernaj vyhady», jakuju atrymali hetyja kampanii dziakujučy jaho rańniaj padtrymcy startapa.
Mask śćviardžaje, što pakul jon vystupaŭ suzasnavalnikam OpenAI (pačynajučy z 2015 hoda), jaho ŭniosak dazvoliŭ arhanizacyi atrymać vyhadu ŭ pamiery ad 65,5 da 109,4 miljarda dalaraŭ. U toj ža čas vyhada Microsoft ad supracoŭnictva z OpenAI aceńvajecca im u miežach ad 13,3 da 25,1 miljarda dalaraŭ.
Mask zajaŭlaje, što zabiaśpiečyŭ kala 60% pačatkovaha finansavańnia OpenAI (kala 38 miljonaŭ dołaraŭ), dapamahaŭ nabirać piersanał i zabiaśpiečyŭ prajektu aŭtarytet. Miljarder abvinavačvaje OpenAI u parušeńni pačatkovaj misii i pieratvareńni ŭ kamiercyjnuju strukturu.
OpenAI i Microsoft nazvali pretenzii biespadstaŭnymi i častkaj kampanii pa pieraśledzie z boku Maska.
Čakajecca, što sudovy praces z udziełam prysiažnych pačniecca ŭ krasaviku.
Kamientary