У Харкаве шахеды ўдарылі па жылых дамах: 14 параненых, сярод іх — цяжарная жанчына і дзіця
У ноч на суботу, 24 студзеня, расійскія ўдарныя беспілотнікі трапілі ў жылыя дамы ў Індустрыяльным і Немышлянскім раёнах Харкава.
Гарэлі кватэры ў шматпавярховым доме, пашкоджаны інтэрнат з перасяленцамі, бальніца і радзільны дом. 14 чалавек атрымалі траўмы, сярод іх — цяжарная жанчына і дзіця.
Паводле даных гарадскіх уладаў, серыя выбухаў прагрымела ў Індустрыяльным раёне горада. Варожыя шахеды трапілі ў жылыя дамы.
«Паводле папярэдняй інфармацыі, у Індустрыяльным раёне маем трапленне ў дом і загаранне кватэры. Ёсць інфармацыя пра яшчэ адно трапленне ў жылы дом. У пяціпавярховым доме ў выніку траплення шахеда людзі апынуліся заблакаванымі», — напісаў гарадскі галава Ігар Церахаў.
Па словах начальніка абласной ваеннай адміністрацыі Алега Сінягубава, станам на 01:30 вядома пра дзвюх пацярпелых жанчын, якія мелі патрэбу ў медычнай дапамозе.
« 74‑гадовая жанчына атрымала вострую рэакцыю на стрэс у выніку варожай атакі на Харкаў. Таксама пацярпела 25‑гадовая цяжарная жанчына. На месцах варожых удараў працуюць падраздзяленні ДСНС і брыгады экстраннай хуткай дапамогі», — напісаў ён.
Хто з палітвязняў выйшаў на свабоду 16 верасня ПОЎНЫ СПІС23
Каментары