Džaan Roŭlinh zastałasia ŭ poŭnym zachapleńni ad scenaryjaŭ pieršych epizodaŭ sieryjała pra Hary Potera
Piśmieńnica asabista pradziusuje novy prajekt ad HBO pra chłopčyka, jaki vyžyŭ, i abiacaje, što ekranizacyja budzie dakładnaj.
«Ja pračytała pieršyja dva epizody budučaha sieryjała HBO pra Hary Potera, i jany TAKIJA, TAKIJA, TAKIJA DOBRYJA!»
Pra heta ŭ svaich sacyjalnych sietkach raspaviała Džaan Roŭlinh, jakaja sustrakałasia sa scenarystami.
Raniej piśmieńnika ŭchvaliła vybar akcioraŭ na roli Hary Potera i jaho siabroŭ Rona Uiźli i Hiermijony Hrejndžer, jakich syhrajuć Daminik Mak-Łaflin, Ałastar Staŭt i Arabeła Stentan.
«Usie troje vydatnyja. Ja nie mahu być bolš ščaślivaj», — tak piśmieńnica prakamientavała kast hałoŭnych rolaŭ sieryjała.
Pavodle apošniaj infarmacyi, zdymki pačnucca letam 2025 hoda, a premjera pieršaha siezona pieraniesienaja na 2027 hod (spačatku mierkavałasia — 2026-y). Usiaho płanujecca siem siezonaŭ — pa adnym na kožnuju z knih Roŭlinh.
Sieryjał budzie dakładnaj adaptacyjaj aryhinalnaj litaraturnaj sieryi, a nie rymiejkam raniejšych filmaŭ. Heta značyć, što hledačy zmohuć ubačyć siužetnyja linii i detali, jakija nie byli pakazanyja ŭ kinaekranizacyi.
Kamientary