«Minsktrans» prakamientavaŭ historyju ź dziaŭčynaj, jakaja trapiła ŭ balnicu paśla ŭdaru tokam u tralejbusie
Jak vynikaje z kamientara, dziaŭčyna akazałasia nie adzinaj paciarpiełaj.
Dniom 27 studzienia ŭ Minsku ŭ tralejbusie № 44 pasažyrku ŭdaryła tokam.
Sama paciarpiełaja Dyjana raspaviała ŭ tyktoku, što kala 16:45 na prypynku hramadskaha transpartu «Centr miłasernaści» na vuł. Kalvaryjskaj zachodziła ŭ tralejbus. Uziaŭšysia za poručań, jana stupiła na padłohu, paśla čaho adčuła mocny bol i straciła prytomnaść.
— Aprytomnieła ŭžo ŭ siaredzinie sałona, — raspaviała dziaŭčyna. — Ludzi skazali, što ja strašna kryčała i niejki mužčyna litaralna adciahnuŭ mianie ad dźviarej. Užo doma ja zrazumieła, što naha aniamieła, adčuvalnaść tak i nie viarnułasia, tamu vyklikała chutkuju dapamohu.
U inšym videa jana dadała: «Daktary dyjahnastavali prablemy z sercam, traŭmu halenastopa i stres». Zaraz minčanka znachodzicca na lačeńni ŭ 4‑j haradskoj kliničnaj balnicy.
U «Minsktransie» pra incydent ź dziaŭčynaj daviedalisia z sacsietki, pišuć «Minsk-naviny». Ni da kiroŭcy tralejbusa, ni da inšych pradstaŭnikoŭ pradpryjemstva dziaŭčyna nie źviartałasia. Ale tam raskazali pra inšy vypadak.
— 27 studzienia kala 16:40 u tralejbusie maršrutu № 44 na vuł. Kalvaryjskaj adbyłasia ŭciečka toku — paciarpieŭ pasažyr-padletak, jaki z papiarednim dyjahnazam «elektratraŭma» byŭ špitalizavany ŭ 6‑iu HKB. Paśla abśledavańnia jon znachodzicca doma, — raspaviali na pradpryjemstvie. — Da kiroŭcy, jak i da miedykaŭ, jakija prybyli, bolš nichto z pasažyraŭ nie źviartaŭsia. Usie samastojna pakinuli miesca zdareńnia. Zaraz pa dadzienym fakcie pravodzicca raźbiralnictva.
U «Minsktransie» dadali, što paśla vyzdaraŭleńnia paciarpiełym nieabchodna źviartacca ŭ filijał «Transpartny park № 4» dla składańnia akta ab pryčynieńni škody zdaroŭju z nastupnaj jaho pieradačaj u strachavuju kampaniju dla pakryćcia škody.
-
Śpiecyjalisty patłumačyli, nakolki niebiaśpiečnyja masty i puciepravody, chiby jakich pakazvajuć u internecie
-
Biełarusy za 10 hadoŭ abjechali ŭsie rajony krainy. A ciapier jany padzialilisia paradami, pamyłkami i skłali šeść maršrutaŭ dla pačatkoŭcaŭ
-
U minskim mietro złamaŭsia ciahnik, stajała cełaja linija
Ciapier čytajuć
Alaksandr Nadsan pieršy raz pryjechaŭ u Biełaruś paśla saraka hadoŭ emihracyi. Minskaja moładź niečakana znajšła ŭ im toje, čaho nie bačyła ŭ svaich baćkach88
Kamientary
A mahli b adkazać što dziaŭčynu dakładna udaryła tokam małanka na vulicy da tramvaja i navat "śviedki" znajšlisia b jakija ŭ bałakłavach čytajučy z papierki raspaviali što bačyli heta na ułasnyja vočy. I što jana pavinna davać, a nie patrabavać niešta ad čyrvona-zialenaj dziaržaŭnaj arhanizacyi jakaja ciabie naradziła, vychavała i
vykarmiła levaj siśkaj vusataha. Tamu adpraŭlajsia za kraty za"sieparatyzm", "teraryzm", "dziaržaŭnuju zdradu" i hd.