Stała viadoma, chto budzie pradstaŭlać Ukrainu na Jeŭrabačańni-2026
Členy žury addali śpiavačcy maksimalnyja 10 bałaŭ, ad hledačoŭ jana taksama atrymała 10, piša «Suśpilnie».
Što viadoma pra Leléka
Leléka — psieŭdanim ukrainskaj śpiavački, aranžyroŭščycy i kinakampazitarki Viktoryi Laleka.
Naradziłasia jana ŭ horadzie Šachciorskaje na Dnieprapiatroŭščynie. Skončyła Nacyjanalny ŭniviersitet teatra, kino i telebačańnia imia I. K. Karpienki-Karaha ŭ Kijevie; padčas navučańnia pracavała aktorkaj u Maładym teatry. U 2016 hodzie pierajechała ŭ Bierlin, dzie zasnavała etna-džazavy hurt Leléka, vyvučała džazavy vakał u kansiervatoryi Drezdena i paśla atrymała mahistarskuju adukacyju pa kinakampazicyi.
Paralelna raźvivaje solny art-prajekt Donba₴grl, a va Ukrainie taksama viadomaja jak aŭtarka muzyki da sieryjała «I buduć ludzi».
Pieśnia «Ridnym» raspaviadaje pra ŭnutrany stan źmien, pryniaćcie strachu i ruch napierad u momant, kali zvykłyja apory źnikajuć. U kampazicyi spałučajucca fołk-džazavyja elemienty, art-pop i elektronnaje hučańnie, a taksama strunny arkiestr i bandura.
Pra «Jeŭrabačańnie-2026»
Jubilejny, 70‑y piesienny konkurs «Jeŭrabačańnie» projdzie ŭ Vienie. Finał zapłanavany na 16 maja.
Udzieł u spabornictvie voźmuć 35 krain, 30 ź jakich buduć zmahacca ŭ paŭfinałach.
Biełaruś nie budzie ŭdzielničać u «Jeŭrabačańni-2026», pakolki Biełteleradyjokampanija zastajecca pad sankcyjami Jeŭrapiejskaha viaščalnaha sajuza. U 2021 hodzie krainu pazbavili siabroŭstva ŭ arhanizacyi praz parušeńni pravoŭ čałavieka i represii suprać miedyja. Choć pieršapačatkovy termin bana składaŭ try hady, u 2024 hodzie sajuz zrabiŭ izalacyju biesterminovaj, zajaviŭšy, što situacyja sa svabodaj słova ŭ Biełarusi nie palepšyłasia.
Bialacki: Nie treba śpiašacca admianiać sankcyi. Bo heta budzie ŭspryniata režymam jak jaho pieramoha i słabaść Jeŭropy15
Kamientary