Jaŭhienija Suhak raskazała, ci jana zastajecca pracavać u štabie Babaryki
Viadučaja Jaŭhienija Suhak u 2020 hodzie była ŭ štabie Viktara Babaryki i dapamahała arhanizoŭvać partyju «Razam». Jana ž prydumała viadomy łozunh Maryi Kaleśnikavaj «daŭbić-daŭbić-daŭbić». Ci jana ciapier, paśla vyzvaleńnia Babaryki i Kaleśnikavaj, budzie ŭ štabie?
«Zaraz ja b skazała, što ja siabruju sa štabam Babaryki, što ja mahu ź imi ab čymści razmaŭlać, mahu davać niejkija parady, mahu nie davać. To bok ja nie chaču, kab mianie zapisvali ŭ niejki vielmi žorstki kamitmient taho, što ja ŭnutry štaba Babaryki. Bo ŭ pieršuju čarhu ja niezaležny žurnalist», — adkazała Suhak u jutub-pieradačy «Hadzińničak cikaje».
Jaŭhienija taksama patłumačyła svaju pazicyju nakont narmalizacyi situacyi i pieramovy z Łukašenkam.
«Kali my nie možam źmianić zaraz najaŭnaść dzieda ŭ krainie — a my nie možam źmianić jaho najaŭnaść — to, moža, my možam źmianić jaho kanfihuracyju.
I reč nie pra jaho humannaść ci miłasernaść, a reč pra jaho racyjanalizm i prahmatyzm. I kali niekatoryja jeŭrapiejskija ci amierykanskija palityki voźmuć svajoj misijaj, naprykład, (…) pasprabavać narmalizavać Łukašenku, kab zrabić niejkija dobryja rečy dla biełarusaŭ — kab pašparty možna było atrymlivać u ambasadzie, kab možna było pryjechać dadomu i nie atrymać za heta dva hady, kab možna było jeździć na niejkich elektryčkach da Varšavy ci Vilni, — to čamu nie?»
Suhak dadaje, što narmalizacyi chočacca, kab achviar było mienš.
Zakryłasia jutub-šou Suhak «Mnie taksama nie padabajecca»
Suhak raskazała, jak u Bierlinie susied vyklikaŭ na jaje palicyju
«Ad vobrazu tusoŭščycy ja nie admyjusia». Ščyraja hutarka ź Jaŭhienijaj Suhak pra asabistaje, teksty dla Kaleśnikavaj i praklon biełaruskich miedyja
«Na pieršym spatkańni ja b prapanavała ŭsim žančynam płacić samastojna»
Ciapier čytajuć
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca4
Kamientary