MUS zajaviła pra masavaje zatrymańnie asob, jakija majuć dačynieńnie da dziejnaści mižnarodnaj arhanizavanaj złačynnaj hrupy, jakaja praz call-centry padmanvała ludziej.
MUS raskryŭ schiemu machlarskaj sietki, jakaja piać hadoŭ imitavała handal na «Forex». Pavodle danych MUS, złamyśniki stvaryli bolš za 800 falšyvych sajtaŭ, dzie abiacali vysoki dachod ad inviestycyj u nieisnujučyja finansavyja kampanii.
Praz elektronnyja ankiety jany źbirali danyja hramadzian, nazyvalisia «finansavymi śpiecyjalistami» i pierakonvali ich pieravodzić hrošy na fiktyŭnyja rachunki. Dalej na padroblenych płatformach imitavali paśpiachovy handal i pad roznymi padstavami prymušali praciahvać unosić usio novyja sumy. Vykradzienyja srodki pieraličvali na padkantrolnyja rachunki.
MUS śćviardžaje, što ad ich dziejnaści paciarpieli tysiačy hramadzian bolš čym sa 180 krain.
Pa padazreńni ŭ złačynstvie zatrymana 55 čałaviek, 17 ź ich vystaŭleny aficyjnyja abvinavačańni pa artykule ab machlarstvie ŭ asabliva bujnym pamiery.
Kamientary