Kim byŭ zahinuły dobraachvotnik Vasil Rapicki. Raskazvaje Kłačko
Da taho, jak pajechać na front abaraniać Ukrainu, Vasil «Dzir» Rapicki pracavaŭ na budoŭlach, nabyŭ kvateru ŭ Kijevie. Doma jaho čakała žonka i syny. Były dobraachvotnik Alaksandr Kłačko raskazaŭ «Našaj Nivie» pra toje, jak jon słužyŭ razam z Rapickim.
Nakolki viadoma, Rapicki, uradženiec Krupak, zahinuŭ 4 sakavika. Kłačko ŭdakładniaje, što, pa jaho źviestkach, Vasila padčas bajavoha zadańnia atakavaŭ dron.
Alaksandr paznajomiŭsia z Rapickim u 2022-m. Jany razam słužyli ŭ bataljonie «Vołat» Pałka Kalinoŭskaha, padraździaleńni PTRK.
Padraździaleńnie padzialiłasia na dźvie źmieny, i tuju ź ich, dzie słužyŭ Kłačko, jakraz uznačaliŭ Rapicki.
«Zvyčajny chłopiec, davoli prosty. Pracavaŭ na budoŭli, šmat čaho moh zrabić svaimi rukami. Žonka ŭ jaho zastałasia, dvoje dziaciej — niepaŭnaletnija chłopčyki. Mnie zdajecca, jany tam za im byli jak za kamiennaj ścianoj.
Havaryŭ takoj sialanskaj, biełaruska-ŭkrainskaj havorkaj. Było ŭ jaho lubimaje słova — źvisno (viadoma — «NN»). Kali ja kamisavaŭsia praz svaje nyrki i byŭ na lekavańni, to niedzie tydzień žyŭ u jahonaj kvatery ŭ Kijevie», — uspaminaje Alaksandr.
Paru hadoŭ tamu Rapicki ź niekatorymi inšymi kalinoŭcami źmianiŭ padraździaleńnie. U apošnija miesiacy žyćcia, kaža Kłačko, Vasil słužyŭ kiroŭcam — advoziŭ vajaroŭ na bajavuju pazicyju i zabiraŭ ich, padvoziŭ zbroju, moh paŭdzielničać u evakuacyi.
Rapicki doŭhi čas žyŭ va Ukrainie, ažaniŭsia z ukrainkaj. Kab abaraniać krainu, admoviŭsia ad prybytkovaj pracy:
«Niejak u nas była razmova pra hrošy. Dyk jon skazaŭ, što da vajny ŭ jaho zarobak byŭ našmat bolšy, čym na kantrakcie, to-bok dla jaho tut sprava nie ŭ zabieśpiačeńni. Viedaju, što na budoŭli jon moh vykonvać i arhanizoŭvać šmat jakija pracy».
Pracujučy na budoŭli, Vasil kupiŭ sabie kvateru ŭ Kijevie.
A kali tolki pačałasia poŭnamaštabnaja vajna, Vasila ledź nie zatrymali — pa dziŭnaj pryčynie pryniali jaho za varožaha snajpiera:
«Tady jašče rasijskija vojski stajali niedaloka ad Kijeva. Doma ŭ jaho na kuchni visieła lusterka, i śviatło praz heta blikavała, dyk susiedzi padumali, što tam žyvie rasijski snajpier. Vyklikali SBU.
Tyja ŭvarvalisia ŭ chatu, pastroili la ścienki jak dyviersantaŭ, ale potym pravieryli dakumienty i skazali, što ŭsio narmalna. Tolki paprasili — maŭlaŭ, zdymicie, kali łaska, lusterka, kab pra vas nichto ničoha bolš drennaha nie padumaŭ».
Rapicki maje ŭznaharody — ukrainskuju bajavuju ŭznaharodu i miedal ad Rady BNR.
«Jon nadziejny chłopiec, prosty, biez dvajnoha dna. Vykonvaŭ zadačy na nuli, u niepasrednaj niebiaśpiecy. Baraniŭ ziamlu, rodnuju dla jaho siamji.
Jak kamandzir jon byŭ spraviadlivy, nie było takoha, kab jon vykarystoŭvaŭ svaju pasadu ŭ drennych metach — kab kamuści adpomścić, naprykład. Byvaje, što kali kamuści dasi ŭładu, jon pačynaje pakazvać svaju sapraŭdnuju naturu. A Vasil, kali byŭ kamandziram, pavodziŭ siabie prystojna. U lubym vypadku my byli pabracimy, niahledziačy na hetyja naminalnyja pasady», — kaža Alaksandr pra Vasila.
Kłačko źviartaje ŭvahu na toje, što siamja Rapickaha pryniała rašeńnie nie chavać jaho imia, jak heta časam robiać svajaki inšych zahinułych dobraachvotnikaŭ. Na dumku Alaksandra, heta pravilny vybar:
«Mnie impanuje toje, što žonka «Dzira» nie chavaje imia svajho muža. Šmat kaho z našych chłopcaŭ, jakija zahinuli, nie viedajuć pa imionach, časam my navat nie možam nazyvać pazyŭny, nie možam raskazvać padrabiaznaści pra ich, kab nie zdeanonić.
Razumiejučy, što za ludzi zahinuli, inšyja biełarusy zmohuć uśviadomić, jakija biełarusy abrali šlach zmahańnia suprać rasijskaj ahresii, bolš zrazumieć nas, dobraachvotnikaŭ, zrazumieć našy siemji. Heta vielmi važna».
Kłačko ŭspaminaje, jak jamu było niaprosta jašče ŭ 2022‑m bačyć ananimnyja partrety zahinułych kalinoŭcaŭ, i dobra, kali tam chacia b byli paznačanyja pazyŭnyja.
«Biezumoŭna, projdzie čas i ŭsio heta možna budzie apubličyć. Ale ŭžo nie budzie ludziej, jakija byli pobač z tymi chłopcami i mahli b raspavieści pra ich, chto moža bolš detalna i emacyjna raskazać pra ich žyćcio i abstaviny śmierci. Razumieju, ale nie ŭchvalaju, vybar tych, chto heta chavaje».
Padtrymać siamju Vasila Rapickaha možna praź pieravod na ŭkrainskuju kartku jaho žonki:
4149499081775155
Svitlana Rapitska
«Naša Niva» — bastyjon biełaruščyny
PADTRYMAĆU jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja
Rasijski zek-vajskoviec pakryŭdziŭsia na słova «apuščany» i rasstralaŭ šeść sasłužyŭcaŭ
«Nie maje značeńnia, idzie havorka pra Kijeŭ ci Vałdaj». Budanaŭ vykazaŭsia suprać udaraŭ pa «palityčnych centrach»
Alimpijski čempijon Aramnaŭ: Nam vyhadnaja praciahłaja vajna, i Vova dy Saša ŭ joj pieramohuć14
Kamientary