«Nie maje značeńnia, idzie havorka pra Kijeŭ ci Vałdaj». Budanaŭ vykazaŭsia suprać udaraŭ pa «palityčnych centrach»
Kiraŭnik Ofisa prezidenta Ukrainy Kirył Budanaŭ vykazaŭsia suprać udaraŭ pa palityčnych centrach i miescach znachodžańnia lidaraŭ dźviuch vajujučych krain.
«Nie maje značeńnia, idzie havorka pra Kijeŭ ci, umoŭna, Vałdaj. Tym bolš ciapier, kali idzie niaprosty praces mirnych pieramovaŭ», — skazaŭ u kamientaryi RBK-Ukraina Budanaŭ, jaki ciapier uznačalvaje ofis prezidenta, a da studzienia byŭ kiraŭnikom Hałoŭnaha ŭpraŭleńnia raźviedki Minabarony Ukrainy.
Pavodle słoŭ Budanava, navat niahledziačy na «niespraviadlivuju» i «zachopnickuju» vajnu, baki pavinny prytrymlivacca peŭnych pryncypaŭ. «Tolki tak my zmožam nablizić doŭhačakany ŭstojlivy mir», — dadaŭ jon.
U kancy śniežnia 2025 hoda ŭ Kramli zajavili, što Ukraina nibyta sprabavała atakavać rezidencyju Pucina na Vałdai bieśpiłotnikami, i ŭ suviazi z hetym Maskva maje namier «pierahledzieć svaju pazicyju» na mirnych pieramovach.
Ciapier čytajuć
22‑hadovy Viktar z-pad Klecka pratrymaŭsia na froncie miesiac. A paśla baćki pierasvarylisia, dzielačy hrabavyja9
Kamientary
Doškaj pa hałavie nielha, niepryhoža.
Treba pa kletačkach raźmieńvać, čornieńkija na bieleńkija.