Танкер з саудаўскай нафтай прайшоў праз Армузскі праліў, нягледзячы на блакаду з боку Ірана
Танкер часова адключаў транспондэр і зноў пачаў перадаваць сігнал толькі каля ўзбярэжжа Індыі.
Праз Армузскі праліў упершыню за некалькі дзён прайшоў буйны нафтавы танкер, нягледзячы на напружаную абстаноўку ў рэгіёне.
Судна Shenlong, якое знаходзіцца пад кіраваннем грэцкай кампаніі, перавозіць каля аднаго мільёна бараляў саудаўскай нафты, паведамляе Bloomberg. Паводле звестак агенцтва, падчас праходу праз праліў танкер часова адключаў транспондэр і зноў пачаў перадаваць сігнал толькі каля ўзбярэжжа Індыі, піша Bild.
Праход судна разглядаецца як першая прыкмета таго, што асобныя перавозчыкі зноў пачынаюць карыстацца стратэгічна важным маршрутам, праз які праходзіць значная частка сусветных паставак нафты.
Пры гэтым большасць суднаходных кампаній па-ранейшаму пазбягае Армузскага праліва з-за рызыкі эскалацыі канфлікту ў рэгіёне.
Армузскі праліў лічыцца адной з ключавых кропак сусветнай энергетыкі: праз яго штодня праходзіць значная доля марскіх паставак нафты з краін Персідскага заліва. Любыя перабоі ў суднаходстве ў гэтым раёне звычайна адразу адбіваюцца на сусветных цэнах на энерганосьбіты.
У дзень, калі памілавалі палітвязня Дароніна, ягонай жонцы прысудзілі 8,5 гадоў калоніі за ўдзел у дваровым чаце6
Каментары