U Čornym mory byŭ atakavany hrečaski naftavy tankier, jaki ruchaŭsia ŭ bok Rasii. Jak paviedamlaje Ministerstva sudnachodstva Hrecyi, sudna padvierhłasia abstrełu abo atacy bieśpiłotnika prykładna za 26 km ad porta Novarasijsk, paviedamlaje Bloomberg.
Tankier pad nazvaj Maran Homer paškodžany, ale praciahvaje ruch ułasnym chodam. Vyciakańnia nafty nie zafiksavana, a ŭsie 24 členy ekipaža ŭ biaśpiecy i paciarpiełych niama. Kampanija pa kiravańni ryzykami MTI Network paviedamiła, što snarad trapiŭ u sudna, ale pamier škody pakul nieviadomy. Sudna pakinuła miesca zdareńnia dla praviadzieńnia ahladu.
Bloomberg adznačaje, što ŭ apošnija miesiacy tankiery ŭ Čornym mory stanoviacca cellu atak Ukrainy, jakaja pašyraje ŭdary pa rasijskaj naftavaj infrastruktury, imknučysia źnizić dachody Kramla ad ekspartu nafty. Adnak adkaznaści za ataku na Maran Homer pakul što nichto nie ŭziaŭ.
Ministr sudnachodstva Hrecyi Vasilis Kikilijas zajaviŭ, što napad moža być źviazany z «ciskam krain rehijonu». Jon padkreśliŭ, što Hrecyja abaraniaje intaresy svajho fłotu i płanuje padniać heta pytańnie na pasiadžeńni Jeŭrapiejskaj rady.
Rasija atrymlivaje 150 młn dalaraŭ dadatkovaha dachodu ŭ dzień ad rostu cen na naftu
ZŠA časova vyvieli z-pad sankcyj rasijskuju naftu
Kali vajna ŭ Iranie najbližejšym časam nie skončycca, śviet moža ŭstupić u najmacniejšy enierhakryzis z 1970‑ch hadoŭ
Rasijski hazavoz atakavany ŭ Mižziemnym mory. Jaho stan bieznadziejny
Ciapier čytajuć
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja90
Kamientary
Treba mierkavać, što kiraŭnictva kampanii maje ciesnyja, siabroŭskija, biznes znosiny z peŭnymi aliharchami Kramla.