Babaryka zajaviŭ, što nie budzie ŭdzielničać u vybarach u Kaardynacyjnuju radu
Nie budzie ŭdzielničać i arhkamitet jahonaj partyi «Razam». Eks-pretendent u prezidenty i były palitviazień napisaŭ pra heta ŭ svaim fejsbuku.
«Darahija siabry! Ja chacieŭ by pradstavić vam pazicyju Arhkamiteta partyi «Razam» adnosna našaha ŭdziełu ŭ Kaardynacyjnaj radzie. Paśla nieadnarazovaha i detalovaha abmierkavańnia, było pryniata rašeńnie ab niaŭdziele našaj partyi ŭ viasnovych vybarach u hety orhan.
Padstavaj dla takoha rašeńnia źjaŭlajucca dva momanty.
1. My ličym, što pierad tym, jak udzielničać u vybarach u KR, nieabchodna źmianić pryncypy farmavańnia i ŭzajemadziejańnia ŭsich instytucyjnych orhanaŭ demakratyčnych sił u emihracyi na padstavie parłamiencka-prezidenckaj respubliki, jakija pavinny zabiaśpiečvać niezaležnaść, prazrystaść i padspravazdačnaść usich hetych instytucyj.
My sprabavali pieranieści vybary na vosień, kab była mahčymaść padrychtavać i ŭzhadnić hetyja prapanovy z usimi zacikaŭlenymi bakami. Adnak nam heta nie ŭdałosia.
2. Partyja «Razam» pieršapačatkova płanavałasia jak realna zhodnaja pradstaŭničaja arhanizacyja, jakaja dziejničaje ŭ intaresach biełaruskaha naroda i svaich členaŭ. Na dadzieny momant my nie bačym mahčymaści sapraŭdy zabiaśpiečyć efiektyŭnaść KR i metazhodnaść svajoj dziejnaści ŭ jaje ramkach.
Adnak my padtrymlivajem udzieł asobnych ludziej (prychilnikaŭ našaj partyi) i abjadnańniaŭ, blizkich nam pa pryncypach i metach («Moładzievy nastup»), jakija pryniali inšaje rašeńnie», — napisaŭ jon u fejsbuku.
Padača zajavak na ŭdzieł u vybarach idzie da 31 sakavika, sami vybary projduć z 11 pa 17 maja.
Ździełka Trampa z Pucinym: čym za jaje mohuć zapłacić Ukraina i Biełaruś19
Ździełka Trampa z Pucinym: čym za jaje mohuć zapłacić Ukraina i Biełaruś
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski77
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski7
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary