Natalla Dziadziula pracavała ŭ navučalna-mietadyčnym adździele Biełaruskaha dziaržaŭnaha ŭniviersiteta kultury i mastactvaŭ.
Natalli Dziadziuli 57 hadoŭ. Jana skončyła histaryčny fakultet Biełaruskaha dziaržaŭnaha ŭniviersiteta. Žyvie ŭ Minsku.
Doŭhi čas Natalla pracavała ŭ Biełaruskim dziaržaŭnym univiersitecie kultury i mastactvaŭ (BDUKM). Jana była supracoŭnicaj navučalna-mietadyčnaha adździeła i śpiecyjalizavałasia na piedahohicy vyšejšaj škoły.
Žančynu sudzili ŭ Minskim haradskim sudzie pavodle častki 1 artykuła 130 KK (raspalvańnie varožaści), a taksama častak 1 i 2 artykuła 361‑4 KK (sadziejničańnie ekstremisckaj dziejnaści). Padobna, što pieraśled Natalli źviazany sa spravaj Hajuna. Žančynie dali chatniuju chimiju, ale dakładny termin nieviadomy.
«Biełaruski Hajun» — manitorynhavy OSINT-prajekt, jaki byŭ stvorany ŭ 2022 hodzie, kali Rasija praź Biełaruś napała na Ukrainu. Prajekt adsočvaŭ vajennuju aktyŭnaść rasijskich i biełaruskich vojskaŭ, abapirajučysia na infarmacyju ad biełarusaŭ. Kaardynavała jaho dziejnaść hrupa aktyvistaŭ na čale z Antonam Matolkam.
Sprava Hajuna pačałasia paśla taho, jak siłaviki zatrymali aktyvistku, jakaja niekalki hadoŭ žyła ŭ Biełarusi ŭ padpolli. U jaje mabilniku znajšli spasyłku na dałučeńnie ŭ bot Hajuna, jakuju joj dasyłali ŭ samym pačatku isnavańnia prajekta. Fatalnaja pamyłka była ŭ tym, što spasyłka była biesterminovaja. A tamu siłaviki zmahli padklučycca da bota i vypampavać adtul usiu infarmacyju. Jany atrymali paviedamleńni akaŭntaŭ, jakija pisali ŭ bot, a taksama ichnija ID i imiony karystalnikaŭ.
Zasnavalnik Hajuna Anton Matolka adrazu paśla ŭzłomu patłumačyŭ, jak adbyŭsia vyciek infarmacyi i abviaściŭ pra zakryćcio prajekta.
«Naša Niva» — bastyjon biełaruščyny
PADTRYMAĆVynieśli prysud Palinie Zyl — błohiercy, jakaja stała nulavym pacyjentam spravy Hajuna, bo ŭ jaje znajšli tuju samuju spasyłku ad Matolki
Vyzvalenym palitviaźniam pastfaktum anulavali pašparty
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie
Ciapier čytajuć
Paśla biełaruskaj vioski Šnajderaŭ bolš nie biantežyć pytańnie ŁHBT. Siamja z Hiermanii, jakaja stała hierojami prapahandy, viartajecca ŭ ES27
Kamientary