U Biełarusi stvorać adzinuju dziaržaŭnuju sistemu prodažu kvitkoŭ
Alaksandr Łukašenka 1 krasavika padpisaŭ ukaz, jaki praduhledžvaje stvareńnie da 1 lipienia 2027 hoda adzinaj dziaržaŭnaj infarmacyjnaj sistemy dla prodažu prajaznych biletaŭ na aŭtamabilnyja pieravozki pasažyraŭ u rehularnych złučeńniach.
U krainie płanujecca abjadnać usie najaŭnyja sistemy reziervavańnia i prodažu biletaŭ u adzin ahulny elektronny servis. Ukazam taksama vyznačanyja ŭdzielniki hetaj sistemy, jaje ŭładalnik i apieratar — im stanie kamunalnaje ŭnitarnaje pradpryjemstva «Staličny transpart i suviaź». Akramia taho, ukaz akreślivaje krynicy finansavańnia dla stvareńnia i dalejšaha funkcyjanavańnia hetaj sistemy.
Stvareńnie sistemy budzie adbyvacca šlacham intehracyi roznych servisaŭ, u tym liku tych, što vykarystoŭvajucca pry mižnarodnych aŭtobusnych pieravozkach.
Płatformu płanujuć realizavać na bazie dziaržaŭnaj ličbavaj sistemy «Razumny horad», a finansavańnie zabiaśpiečyć inavacyjny fond Minskaha harvykankama.
Asnoŭnaje pryznačeńnie novaj sistemy — heta mahčymaść braniravańnia miescaŭ, prodažu kvitkoŭ i bahažnych kvitancyj na pryharadnyja, mižharodnija i mižnarodnyja aŭtobusnyja pieravozki. Pry hetym padkreślivajecca, što ŭkaranieńnie hetaj sistemy nie pavinna pryvieści da pavieličeńnia vydatkaŭ dla pasažyrskich terminałaŭ i pieravozčykaŭ, a značyć i ceny kvitkoŭ taksama nie pavinny vyraści.
Čakajecca, što źjaŭleńnie takoj sistemy zrobić śfieru pasažyrskich pieravozak bolš prazrystaj, dazvolić lepš analizavać patok pasažyraŭ i apieratyŭna prymać rašeńni dla palapšeńnia maršrutaŭ. Akramia taho, pasažyry zmohuć atrymlivać aktualnuju infarmacyju pra raskład ruchu aŭtobusaŭ roznych pieravozčykaŭ i vybirać najbolš zručnyja maršruty pajezdki.
Nastaśsia Kaściuhova pra pazicyju Statkieviča i Cichanoŭskaj: Prapanova «dacisnuć» hučyć jak prapanova jašče pačakać niezrazumieła čaho i jak doŭha3636
Kamientary