U čatyroch abłaściach Biełarusi vyraśli ceny na prajezd hramadskim transpartam
Uśled za stalicaj rehijanalnyja ŭłady taksama pierahledzieli taryfy na pasłuhi hramadskaha transpartu. Adpaviednyja rašeńni vykankamaŭ Minskaj, Bresckaj, Homielskaj i Viciebskaj abłaściej apublikavanyja na Nacyjanalnym pravavym internet-partale.
Ceny ŭ rehijonach ustalavanyja prykładna na adnym uzroŭni. Razavaja pajezdka ŭ zvyčajnym aŭtobusie ciapier budzie kaštavać 1,05 rubla, a za prajezd na ekspres-maršrutach pryjdziecca zapłacić 1,15 rubla. Padaražańnie — 15 kapiejek.
Što tyčycca prajaznych na miesiac, ich košt budzie zaležyć ad kolkaści nasielnictva ŭ horadzie.
U haradach z nasielnictvam ad 250 tysiač čałaviek miesiačny prajazny abydziecca ŭ 47,25 rubla.
Dla haradoŭ, dzie žyvie ad 50 da 250 tysiač čałaviek, cana składzie 46 rubloŭ.
U nasielenych punktach z kolkaściu žycharoŭ mienš za 50 tysiač prajazny budzie kaštavać 40,16 rubla.
U stalicy novyja ceny pačnuć dziejničać z 27 sakavika. Pajezdka ŭ naziemnym transparcie padaražeje da 1,1 rubla, u mietro — da 1,15 rubla. Adziny prajazny na miesiac u Minsku składzie 65,84 rubla.
Taksama ŭ horadzie ŭpieršyniu ŭviali limit na košt prajezdu ŭ maršrutkach — jon nie moža pieravyšać 3,3 rubla. Asobnaje rašeńnie pryniata dla pryharadnaha kirunku Minsk — Zasłaŭje: tut maksimalna dapuščalny košt kvitka składzie 5 rubloŭ.
Vidavočna, što Minskaja i Mahiloŭskaja vobłaści adpaviedna padymuć košt prajezdu.
-
U Krupskim rajonie treci tydzień šukajuć źnikłuju žančynu. Pošuki vyjšli na masavy ŭzrovień
-
Siłaviki stvaryli ŭ sacsietkach akaŭnt ad imia pamierłaj babuli dobraachvotnika, jaki zmahajecca za Ukrainu
-
«Z zaradkami ŭsio z samaha pačatku pajšło nie tak». Biełarus raskazaŭ, jak jeździŭ na elektrakary ź Minska ŭ Taškient
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie5555
Kamientary