U noč na 5 krasavika Ukraina ździejśniła maštabnuju ataku na pramysłovuju zonu horada Kstova Nižaharodskaj vobłaści. Hałoŭnaj cellu staŭ zavod «Łukojł-Nižaharodnaftaarhsintez» — čaćviorty pa vieličyni NPZ u Rasii, raźmieščany za 800 kiłamietraŭ ad linii frontu.
Na videa z sacyjalnych sietak vidać mocnaje połymia nad terytoryjaj zavoda.
Pad udar trapiła i Navahorkaŭskaja CEC. Heta krytyčny abjekt, jaki zabiaśpiečvaje NPZ i ŭsiu pramzonu elektryčnaściu, paraj i ciapłom. Biez pracy hetaj stancyi stabilnaje funkcyjanavańnie zavoda niemahčymaje.
Hubiernatar Nižaharodskaj vobłaści Hleb Nikicin zajaviŭ pra źbićcio 30 bieśpiłotnikaŭ nad Kstoŭskim rajonam.
Kstoŭski NPZ — stratehičny abjekt, jaki pracuje z 1958 hoda i maje mahutnaść 17 miljonaŭ ton nafty za hod. Jon vyrablaje šyroki śpiektr paliva: ad bienzinu da avijacyjnaha kierasinu, zabiaśpiečvajučy jak cyvilny siektar, tak i vajskovuju łahistyku RF.
Adnačasova z hetym pastupiła infarmacyja pra paškodžańnie naftapravoda ŭ rajonie porta Prymorsk (Leninhradskaja vobłaść).
Kamientary
Nado, čtoby russkije hłušili svoi nieftievyški, ajed́ chraniliŝ niet.
Pravilno, nado paralizovať porty, othruzku i nieftiepierierabotku i vojna zakončitsia.