«Možacie nazyvać mianie «moj kapitan». Lidar hurta «Daj Darohu!» Juryj Stylski advučyŭsia na jachtsmiena
Muzyka, lidar hrupy «Daj Darohu!» Juryj Stylski atrymaŭ paśviedčańnie Mižnarodnaj asacyjacyi parusnaha sportu. Artyst sapraŭdy nie vyklučaje, što ŭ budučyni zmoža vychodzić u mora jak kapitan razam z turystyčnymi hrupami.
«Z hetaha času vy možacie nazyvać mianie «moj kapitan!»», — prakamientavaŭ jon novuju dla siabie prafiesiju.
Juryj Stylski raspavioŭ «Našaj Nivie», što dla jaho samoha ŭsio pačałosia sa zvyčajnych turystyčnych vychadaŭ u mora razam ź biełaruskim kłubam jachtsmienaŭ Damora.
«U mianie nabrałasia niedzie čatyry vychady (pryčym časam ja moh padmianiać kapitana). I ŭ niejki momant ja zrazumieŭ, što moh by i sam stać kapitanam. Parazmaŭlaŭ z DaMora, kurs navučańnia ciahnuŭsia kala 10 dzion i potym mnie tolki zastavałasia čakać adkaz ad Mižnarodnaj asacyjacyi parusnaha sportu».
Juryj pryznajecca, što ciažej za ŭsio jamu davałasia parkoŭka jachty.
«Asabliva, kali padymajecca viecier i vialikija chvali, a vakoł stajać katamarany pa miljonu jeŭra».
Harantyjaj taho, što navičok sapraŭdy zasvoiŭ kurs «na vydatna», źjaŭlajecca imia i proźvišča instruktara, paznačanaha na paśviedčańni — jon jak by ručajecca za svajho vučnia.
Što tyčycca cen, muzyka raić zapytvać ich piersanalna ŭ jachtsmienaŭ «Damora» (navučańnie na škipiera na Bałtycy na dadzieny momant kaštuje amal $1450).
«Šmat zaležyć ad taho miesca, dzie vy budziecie vučycca. Ja, naprykład, prachodziŭ kurs na Teneryfe».
Pakul Juryj budzie napracoŭvać praktyku ŭ roli kapitana. U budučyni ž artyst maryć sabrać ułasnuju kamandu i prapanoŭvać svaje pasłuhi pravadnika ŭ śviet na adkrytaj vadzie.
«Prosta ŭziać jachtu ŭ arendu i adpravicca kudy-niebudź tam z hrupaj žadajučych pa Narviehii, pa fjordach (na jakich ja, darečy, užo byŭ, ale nie ŭ roli kapitana). My tak z kłubam katalisia pa Kanarskich vyspach, usie abjeździli. 1500 jeŭra, kali ja nie pamylajusia, ahułam vychodzić za 10‑dzionny zapłyŭ».
Ciapier čytajuć
«Dekałanizacyja — heta pryjści i zaniać svajo miesca». Nasta Rahatko budzie ŭdzielničać u fiestyvali rasijskaj knihi. Sulima jaje asudziŭ, jana nie zmaŭčała ŭ adkaz5757
«Dekałanizacyja — heta pryjści i zaniać svajo miesca». Nasta Rahatko budzie ŭdzielničać u fiestyvali rasijskaj knihi. Sulima jaje asudziŭ, jana nie zmaŭčała ŭ adkaz57
Ci patrebnaja biełaruskaja mova tym, chto razmaŭlaje pa-rusku? Azaronak zadaŭsia takim pytańniem na STB, a vypusknik Akademii MUS prapanavaŭ zamianić uroki fakultatyvami4949
Kamientary